Ўзбекистон республикаси олий ва ўрта махсус таълим вазирлиги наманган муҳандислик-технология институти “бухгалтерия ҳисоби ва аудит”

Бунинг натижасида, 2022 йилда Жамият инвестиция портфелининг хажмини 194 млрд сўмга (2021 йилга нисбатан ўсиш 24 фоиз) етказиш, йилнинг якунларига кўра Жамият инвестицияларидан олинадиган даромад 20,7 млрд сўмга (2021 йилга нисбатан ўсиш 28,6 фоиз) етказилиши прогноз
қилинмоқда.
2022 йилда Жамият ўз инвестиция сиёсатини асосан тижорат банкларининг муддатли депозитлари ҳамда бошқа даромадли инвестицияларга йўналтиришни режалаштирган.
Жумладан, Ўзбекистон Республикаси Президентининг 2020 йил 27 октябрдаги ПФ-6096-сон Фармонига асосан Жамиятни трансформация қилиш жараёнида ишлаб чиқилган “йўл харитаси”га мувофиқ Жамият устав капиталини 250 млрд сўмга етказиш кўзда тутилган. Жамиятнинг устав капиталини юқоридаги миқдорга етказиш борасидаги ишларни ташкил қилиш бўйича тегишли чора-тадбирлар ишлаб чиқилиши юзасидан ҳукуматга таклиф киритилади.
Жамиятнинг инвестиция фаолияти рентабеллигининг прогноз кўрсаткичлари ҳисоб-китобига кўра банк депозитларига инвестициялар ҳажмининг кўпайиши ҳисобига даромадлар ўсиши прогноз қилинмоқда. Ушбу тенденция келгуси йилларда ҳам долзарб бўлиши кутилмоқда.

2. 
   Кадрлар сиёсати йўналиши
   

Бугунги кунда, Жамият тизимида 874 та штат бирлиги мавжуд бўлиб, жами ишлаётган ходимлар сони 765 нафарни (техник ходимлардан ташқари) ташкил этади, шундан 466 нафари (61 фоизи) олий маълумотли. Уларнинг 15 нафари суғурта (3 фоизи), 195 нафари молия, иқтисодиёт ва солиқ ҳамда 256 нафари бошқа соҳа мутахассисликларига эга.
Ўзбекистон Республикаси Президентининг 2019 йил 2 августдаги ПҚ–4412-сон қарорига мувофиқ Жамият тизимда самарали фаолият юритаётган истиқболли ўрта ва/ёки ўрта махсус маълумотига эга бўлган ёш кадрларни мамлакатдаги олий таълим муассасаларининг “Суғурта иши” таълим йўналишида ўқитиш мақсадида:
2020-2021 ўқув йилида 27 нафар ходим ўқишга юборилган;
2021-2022 ўқув йилида (2021 йилги режа 20 нафар) 14 нафар ходим олий ўқув юртига тавсия этилган;
2022- ўқув йилларидан бу кўрсаткич икки бараварга ёки 56 нафаргача оширилади. Натижада, келгусида Жамият тизимида “Суғурта иши” мутахассисилиги бўйича олий маълумотли кадрлар сонини 97 нафарга (20 фоиз) ошириш кўзда тутилмоқда.
Шу билан бирга, бугунги кунда Жамият тизимидаги ходимларнинг 20 фоизини хотин-қизлар ташкил этади. Келгусида, Жамият тизимида уларнинг сонини ошириб бориш ҳамда муносиб меҳнат шароитини яратиш устувор вазифа бўлиб ҳисобланади.
Жамиятнинг 2021-2022 йилларга мўлжалланган кадрлар сиёсатининг стратегияси сифатида тизимда салоҳиятли кадрларни сақлаб қолиш,