Ўзбекистон республикаси олий ва ўрта махсус таълим вазирлиги наманган муҳандислик-педагогика институти

Пишириш Шакл берилган маҳсулотларни печларга жойланади ва уларни 180-200⁰ С температурада пиширилади.


Қадоқлаш- Тайёр бўлган маҳсулотларни маҳсус идишларга ёки қоғоз қутиларга қадоқланади ва сотувга чиқарилади.


3.3. Маҳаллий сабзавот хом – ашёлардан олинган қандолат маҳсулотларни физик – кимёвий, органолептик кўрсаткичлар, технологик линияни принцпиал схемаси
Маълумки, янги турдаги маҳсулотлар ишлаб чиқаришда маълум бир стандартлар талабларига жавоб беришини ҳисобга олиш зарур. Чунки азалдан инсон истеъмол қиладиган овқатларга маълум талаблар қўйилган бўлиб, бу талаблар бажарилиши шарт ва мажбурийдир.
Биз томонимиздан ишлаб чиқарилиши режалаштирилаётган маҳсулотда ҳам асосий кўрсаткичлардан бири унинг органолептик хусусиятлари ўрганилди. Сабзавот хом – ашёсидан олинган маҳсулотларини органолептик кўрсаткичларига ташқи кўриниши, ранги, ҳиди, таъми, консистенцияси кириб, булар маълум даражада қандолат маҳсулотларни органолептик талабларига жавоб бериши зарурдир.
Масалан, ташқи кўриниш – умумий кўриш бўйича таасурот ҳисобланиб, физиологик ва психологик аҳамияти каттадир.
Ташқи кўринишни мос келмаслиги маҳсулотни сақлаш ёки шакл беришни бузилганлиги кўрсатиб, рангини талабга жавоб бермаслиги уни бузилганлиги тўғрисида маълумот беради.
Консистенция маҳсулот сифатини асосий кўрсаткичларидан бири ҳисобланади. Консистенция ўлчовларига маҳсулотни агрегат ҳолати, (суюқ, қаттиқ), бир хиллик даражаси (бир хил, бўлак – бўлак, донадор), механик хоссалари (синувчан, эгилувчан, пластик) кўриш таасуротлари орқали баҳоланиб, турли хил маҳсулотлар консистенцияси турличадир.
Ҳид – сезиш рецопторларини қўзғалиши билан ҳосил бўлади. Пазандачилик ва қандолатчиликда ҳидни табиий, яъни тегишли хом – ашёга хос бўлгани ва букет – технологик жараёнда мураккаб кимёвий ўзгаришлар натижасида ҳосил бўлади.
Агар берилган хид ҳом – ашёга хос бўлмаса уни сақлаш бузилганлиги ёки технологик жараён тўғри ташкил этилмаганлигидан далолат беради.
Сифатнинг асосий кўрсаткичларидан бири таъмдир. Таъмни тегишли маҳсулотга мос келмаслиги, унинг бузилганлиги ёки технологик жараён нотўғри олиб борилганлигидан далолат беради.
Биз тажрибалар асосида олинган сабзавотлардан таркибида қант тутувчи қандолат маҳсулотларини органолептик кўрсаткичларини текширдик.