Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Нормалаштириш - фаолият кўрсатишда асосланадиган, уни чегараларини аниқлаб берувчи меъёрлар белгилашдир. Улар вақт нормаси, сон нормаси ва х.к бўлади.
Йўл- йўрик бериш- таъсир кўрсатишни энг юмшоқ усулидир. У иш шароитлари, мажбуриятлар, пайдо бўлиши мумкин бўлган қийинчиликлар таништиришдан иборат бўлади.
Ташкилий –фармойиш усулларини қўллаётганда уларни бошқарувни маълум бир даражаси фаолият юритувчи хуқуқий нормаларга ва юқори бошқарув органлари томонидан белгиланган актларга риоя қилиш талаб қилинади.

2. Кутубхона – ахборот фаолиятида иктисодий бошқариш усуллари.
Иқтисодий усуллар одамларга моддий рағбатлантириш, моддий қизиқтириш бўйича таъсир кўрсатиш принципига асосланади. Иқтисодий услублар тизимига ҳужалик юритишнинг барча амалий томонлари киради: молиялаштириш, илғор жихозлар билан таъминлаш, ойлик иш ҳақи, мукофатлар ва бошқалар.
Иқтисодий усуллари тизими кутубхона-ахборот фаолиятини бошқаришнинг барча даражаларида қўлланилади. Юқори босқичда кутубхона-ахборот фаолиятини алоҳида тизимчаларини ривожланишига таъсир кўрсатиши ( кадрлар тайёрлаш, илмий- тадқиқот ишларини ривожлантириш, услубий ишлар ва х.к.), ўрта босқичда региондаги энг яхши кутубхона жамоасини, энг яхши кутубхона ҳодимларин рағбатлантириш, қўйи босқичда, яъний кутубхона маъмурияти даражасида кутубхоначиларни махсус вазифани бажарганлиги, истеъмолчиларга энг сифатли ҳизмат кўрсатгани, янги иш шаклларини қўллаганлиги учун рағбатлантириш қўлланилади.
Иқтисодий рағбатлантириш қуйидаги принципларга асосланади:

• 
  иқтисодий рағбатлантириш мақсадлари, кутубхоначилик иши олдида турган мақсадлар билан ўзаро боғликликда бўлиши;
  
• 
  давлат, жамоа ва шахсий қизиқишларни бирлигини таъминлаш;
  
• 
  иқтисодий ва ахлоқий рағбатлантиришни , одамларни малака оширишга, маълумот олишга бўлган талабларини қондирилиши, ишлаш учун оптимал шароитларни яратилиши билан қўшилиб кетиши.
  
• 
  одамларни биргаликда меҳнат қилиши натижасида жамоани моддий манфатдорлигини яратиш усуллари катта аҳамият касб этади.