Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Услубий йўл- йўриқларлар кутубхоналарга услубий рахбарлик қилиш, улар фаолияти даражасини кўтаришнинг самарали воситасидир. Услубчилар иш вақтининг асосий қисми кутубхоначилар учун йўл- йўриқлар беришга сарфланади. Услубчи кутубхоначилар билан қанчалик тез-тез мулоқатда бўлса, уларга йўл- йўриқлар берса, уларнинг тажрибасини ўрганса, услубий рахбарликнинг даражаси шунчалик юқори бўлади.
Услубий марказлар томонидан услубий қўлланмалар ва материаллар чоп этиш йўлга қўйилган бўлиб, бу ишлар уларнинг асосий фаолиятларига киради. Кутубхоначиларга ёрдам бериш учун чиқарилган йўл- йўриқ ва кўрсатмалар ахамияти ва ишланишининг тўлиқлигига қараб услубий қўлланма ёки материаллар дейилади.
Услубий қўлланмалар орасида батафсил ишчи характери устун бўлган амалий раҳбарлик қўлланмаси: кадрлар тайёрлаш бўйича турли хил машғулотлар ўтказишга оид услубий қўлланма; уларни жорий қилишга оид расмий қоидалар ва кўрсатмалардан иборат йўриқнома- услубий қўлланма бўлиши мумкин.
Услубий материаллар услубий хат шаклига, мухим вазифаларни бажаришга, илғор тажрибани жорий қилишга ва бошқаларга ёрдам беришда мухим тавсиянома характердаги босма маслаҳатлар ёки йўриқнома- услубий хат шаклига эга бўлиши мумкин.
Шу билан бирга услубий марказлар томонидан маълум типдаги кутубхоналар ходимларигагина эмас, балки маълум бир китобхонлар гурухига хам мўлжалланган услубий- библиографик маълумотлар хам тайёрланади. Бу манбаларнинг мақсади – билимларнинг турли сохаларига оид адабиётларни, айрим ёзувчи ва машхур китобларни тарғиб қилишдан иборатдир. Услубий – библиографик манбаларга услубий –ишланмалар, айрим тадбирлар ( кўргазмалар, китобхонлар конференциялари ва бошқ.) ёки комплекс тадбирлар ўтказиш бўйича маслахатлар киради. Бу турдаги материалларда албатта тавсия этилаётган нашрлар рўйхати бўлади.
Хулоса қилиб шуни таъкидлаш лозимки кутубхоналарни илмий- услубий таъминлаш фаолияти ижодий иш бўлиб, у доимо бу иш билан шуғулланувчиларда ишни самарадорлигини ва сифатини ошириш учун янги-янги изланишларни қидиришни талаб қилади.