Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Фан бўйича талабаларнинг билим, кўникма ва малакаларига қўйиладиган талаблар

“Ахборот-кутубхона фаолияти бошқаруви” фанини ўзлаштириш жараёнида амалга ошириладиган масалалар доирасида бакалавр:

- ушбу фанни ўзлаштириш давомида қўйиладиган талаблар асосида амалий ва тажриба машғулотларини бажаришлари,шунингдек фаннинг мақсади, вазифаси, тамойиллари, қонуниятлари, методологиясини ва методларини, кутубхоналар типологиясини билиши керак.
- фанни ўзлаштириш учун тавсия этилаётган адабиётларни мустақил ўрганиш, уларни таҳлил қилиш кўнималарига ва малакаларга эга бўлишлари керак.
-эгаллаган билимлари асосида мустақил фикрлаш қобилиятига эга бўлишлари ва уларни амалий муаммоларни ҳал қилишда қўллай олишлари керак.
-фанни ўзлаштириш натижасида ҳосил қилинган билим ва кўникмаларидан илмий-тадқиқот ва малакавий битирув ишларини бажаришда фойдалана олишлари зарур.


Фаннинг ўқув режадаги бошқа фанлар билан ўзаро боғлиқлиги

“Ахборот-кутубхона фаолияти бошқаруви ” фани 6-7-семестрда ўқитилади. “Ахборот-кутубхона фаолияти бошқаруви” фани ихтисослик фанлардан бири ҳисобланади ва бакалавр тайёрлаш ўқув режасидаги “Ижтимоий-гуманитар” ва “Мутахассислик фанлари” йўналишидаги барча фанлар билан чамбарчас боғлиқ.

Фан бўйича ўқув машғулотлари ўқув режасига кўра ўқув материалининг мазмуни ва педагогик мақсадларига қараб, маъруза ва амалий машғулотлар кўринишида ташкил этилади. Фан бўйича назарий билимларни мустаҳкамлаб бориш учун маъруза машғулотларидан ҳамда амалий машғулотларидан фойдаланилади.


Фаннинг ишлаб чиқаришдаги ўрни
“Ахборот-кутубхона фаолияти бошқаруви ” фанини талаб даражасида ўзлаштириш, талабаларда, ахборот-кутубхона фаолиятини бошқариш соҳаси бўйича фундаментал билим, кўникма ва малакаларни ҳосил қилишдан, ҳамда уларни келгусида ахборот-кутубхона муассасалари фаолиятида қўллай олишдан иборат


Фанни ўқитишда замонавий ахборот ва педагогик технологиялар
Ўқув фанини талаб даражасида ўзлаштириш учун уни ўқитиш жараёнида ўқитишнинг интерфаол усулларидан – кичик гуруҳларда ишлаш, ақлий ҳужум, муаммоли ўқитиш, даври суҳбатлари, психологик ўйинлар ва бошқа инновацион усуллардан фойдаланиб талабаларнинг эркин ва мустақил ишлашини самарали ташкил этиш, уларга қўйилган ўқув вазифаларини мустақил бажаришни ташкил этиш мақсадида ахборот технологиялари ҳамда ахборот таълим муҳитидан фойдаланиш кўзда тутилади.