Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Қуйи бошқарув бўғин ёки оператив раҳбарларга –гурух ва сектор бошлиқлари, шохобча мудирлари киради. Улар ўз бўлинмаларини ишини ташкил этадилар, топшириқларни бажарилишини назорат қиладилар. Уларни меҳнати қизғин, бир ишдан тезликда бошқа турдаги ишга ўтиб кетиши билан характерланадаи. Кўпинча фақат бошқарув функциясини эмас балкий кундалик кутубхоначилик юмушларини бажарадилар. Гурух, сектор раҳбарлари ҳал қиладиган масалалар учун нисбатан камроқ вақт зарур бўлади. Иш вақтининг тахминан ярмини бу рахбарлар мулоқатда ўтказади: кўпроқ ўз қўл остидагилар билан, камроқ бошқа мудирлар билан, жуда ҳам оз вақтни эса ўзларининг бошлиқлари билан.
Ўрта бўғин раҳбарлари. Уларга хос бўлган типик лавозимлар кутубхоналарнинг бўлим мудирларидир. Бу лавозимда улар ўзларининг кутубхоначилик ишларидаги кўникмаларидан кўра кўпроқ, умумий холатларни баҳолашга бўлган қобилиятларини ривожлантирадилар. Ўрта бўғин раҳбарларининг фаолиялари кўпроқ кутубхонанинг бутун фаолияти билан эмас, балки ўзлари раҳбарлик қилаётган бўлимнинг иш мазмунига эътибор бериши билан харакатерланади. Масалан, кутубхона - библиографик жараёнларини автоматлаштириш бўлимининг мудири, ахборат тиллари, автоматлаштирилган қидирув, маълумотлар тайёрлашга раҳбарлик қилади. Халқаро алоқалар бўлими мудири кутубхона раҳбар учун чет эл ахборотларини тайёрлайди, кутубхонани чет элдаги ташкилотларга танитиш, чет эл делигацияларига хизмат кўрсатиш билан шуғулланади.
Албатта, ўрта буғин раҳбарларининг бошқарувдаги самарали фаолият кўрсатишлари учун бу раҳбарлар ўз бўлимларидаги вазифаларидан кенгроқ истиқболларини кўра билишлари лозим. Кутубхонанинг бошқа бўлимлари билан ўзаро фаолият юрита олишлари талаб қилинади. Қуйи бўғинда ҳам ўрта бугунда ҳам инсоний муносабатлар ўз аҳамиятини йўқотмайди ва бу гурух раҳбарлари ўзлари бошқараётган жамоанинг лидерлари бўлиши керак.
Умуман, ўрта бўғин раҳбарлари юқори бўғин билан қуйи бўғин ўртасида ўзига хос кўприк вазифасини бажаради.Яъни, юқори бўғин қарорларини бажариш учун ахборат тайёрлашдилар ва уларни ҳал қилиш учун аниқ вазифаларни қуйи раҳбарларга етказадилар.