Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

Қурилиш материалларини тузилиши.

Қурилиш конструкциялари ишлатилганда ташқи кучлар ва атроф мухит таъсирларига бардош бериш керак. Шунинг учун конструкциялар тайёрлашда ишлатилган Қурилиш материаллари маълум мустаҳкамликга эга бўлиши, физик, кимёвий таъсирларга чидамли, ҳаводаги буғ ва газ таъсирларига, ҳарорат ўзгаришларига, намликга, кўп маротаба музлаб эриганда сув совуқ таъсирларига чидамли бўлиши керак. Қурилиш материаллари ва буюмларини бино ва қурилмаларда ишлатиш шароитига кўра 2 гуруҳга бўлиш мумкин.

I. Конструкцион ашёлар - булар биноларнинг юк кўтара­диган қисмларида ишлатилади. Буларга қуйидагилар киради:

1. 
   Табиий тош ашёлари;
   
2. 
   Минерал ва боғловчи органик ашёлар;
   
3. 
   Сунъий тош ашёлари: а)минерал боғловчилар асосида олинадиган бетонлар, темирбетон, силикат ғишт ва бошқалар. б) пишириб олинадиган (сопол ашёлар ва буюмлар, шиша);
   
4. 
   Металлар (пўлат, чўян, алюминий, мис, қотишмалар);
   
5. 
   Полимерлар;
   
6. 
   Ёғоч ашёлар;
   
7. 
   Композицион ашёлар (асбестоцемен, бетонполимер, фибробетон, шиша, пластиклар ва х.к.).
   

II. Махсус ашёлар – булар конструкцияларни атроф мухит таъсиридан сақлаш, ишлатиш хоссаларини яхшилаш ва қулай­лик­лар яратиш учун ишлатиладиган ашёлар бўлиб, уларга қуйидагилар киради:

1. 
   Исиқлик изоляция ашёлари;
   
2. 
   Акустик (товуш изоляция) ашёлари;
   
3. 
   Гидроизоляцион (намдан сақлайдиган) томбоп ва герметик ашёлар;
   
4. 
   Пардозбоп ашёлар;
   
5. 
   Коррозияга чидамли ашёлар;
   
6. 
   Ўтга чидамли ашёлар;
   
7. 
   Радиоактив таъсирларга чидамли ашёлар.
   

Ҳар бир ашё бир қатор хоссаларга эга бўлиб, шуларга кўра унинг ишлатиш сохалари аниқланади. Бино ва иншоотлар қуриш учун танлашда, уларни лойихалаш ва қуришда Қурилиш материаллари хоссаларини яхши билиш лозим.
Бино юк кўтарадиган қисмларида ишлатиладиган қурил­маларга асосий талаб уларнинг мустаҳкамлиги, баъзи ҳолларда иссиқлик ва товуш ўтказувчанлиги (деворбоп материаллар учун) каби хоссаларидир. Жуда кўп Қурилиш материалларига хос бўлган хоссалар – зичлик, ғоваклик, мустаҳкамлик, сув, иссиқлик, совуқ таъсирларига чидамлилик кабилар бўлиб, улар ашёнинг ашёнинг сифати ва ишлатилиши сохаларини белгилайди. Булардан ташқари фақат алохида ашёларга хос бўлган хоссалар –махсус хоссалар хам бор: - буғ, газ ва электр ўтказувчанлик, кимёвий чидамлилик ва х.к.. Баъзи қурилиш ашёларида технологик хоссалар алохида ахамиятга эга. Булар ашёларга ишлов беришда ҳисобга олинади. Масалан: гилтупроқдан олинадиган ашёларда бетон қоришма­ларида қолипланиш хоссаси, яъни массаларнинг пластиклигини ҳисобга олиш керак.
Шундай қилиб, маълум бир шароитда ишлайдиган бино ва иншоотлар қурилишида ашё танланганда унинг хар хил хоссаларини ҳисобга олиш керак.
Қурилиш материалларининг хоссалари асосан тўрт гурухга бўлинади: физик, механик, кимёвий ва технологик хоссалар.