Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

Қурилиш гипси
Таркиби асосан икки малекула сувли кальций сульфатидан (CaSO₄ 2H₂O) иборат бўлган чўкинди тоғ жинси гипс тошини, айрим саноат чиқиндиларини пишириб гипсли боғловчилар олинади. ГОСТ 4013-82-да кўрсатилишича, гипс ишлаб чиқариш учун табиий гипстош таркибида СаSO₄2H₂O-нинг миқдорига қараб тўрт навга бўлинади. Биринчи навда СаSO₄2H₂O-нинг миқдори 95%, иккинчи навда эса 90%, 3 ва 4-чи навларда 80 ва 70%-дан кам бўлмаган табиий гипс-тош керак.
Табиий гипс-тош кимёвий чўқинди тоғ жинслари гуруҳига киради, оқ рангли, Моос шкаласи бўйича қаттиқлиги 2, зичлиги 2200-2400 кг/м³ -дир. Ўзбекистонда Когон ва Саветобод йирик гипстош конлари бор.
105-200⁰С ҳароратда пиширилган гипстошни майин туйиб ҳосил қилинган маҳсулотга қурилиш гипси деб аталади. Пишириш қуйидаги кимевий жараён орқали ифодаланади:
105-200⁰C
CaSO₄ 2H₂O CaSO₄ 0,5H₂O+1,5H₂O.

Бунда 1кг ярим гидрат олиш учун 588 кЖ иссиқлик сарфланади. Қурилиш гипси баьзан алебастр деб ҳам аталади.

Қурилиш гипсини ишлаб чиқаришда фосфогипс йирик хом аше манбаи ҳисобланади. Фосфогипс фосфор ўғитлар олиш жараёнида чиқинди сифатида чиқарилади:

Са₅(РО₄)₃ F+5H₂SO₄=5CaSO₄+HF+3H₃PO₄

HF руда таркибидаги тупроқ билан реакцияга кириб Na₂SiF₆ га айланади. Икки малекула сувли кальций сульфат СаSО₄ дан фосфат кислота эритмаси маълум ҳароратда концентрлангунча буғлатилгандан кейин ҳосил бўлади.

Фосфогипснинг миқдори йилдан-йилга ошмоқда. Унинг таркибида 75-95% СаSO₄·2H₂О бор. Фосфогипсдан олинадиган гипсли боғловчиларнинг сифатини чиқинди таркибидаги кремнефторидлар пасайтиради. Бироқ махсус ишлаб чиқилган усуллар асосида фосфогипсдан сифатли маҳсулот олиниши мумкин. Бундан ташқари гипс олишда борогипс, фторгипс чиқиндилари ҳам ишлатилиши мумкин.