Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

17. Иссиқ изоляцион материалларнинг хоссаларини ўрганиш

лаборатория ишларини бажаришга доир
Услубий кўрсатма
Иссиқ изляцион материал деб ўртача зичлиги 600 кг/м³ гача ва иссиқ ўтказувчанлик коэффициенти 0,18 вт/м.град гача бўлган жуда ғовак материалларга айтилади. Улар қуйидаги турларга бўлинади:
1. Хом ашёнинг турига кўра:
а) анорганиқ (минерал) иссиқ изоляцией материаллар - минерал пахта, шиша пахта, серғовак енгил бетонлар, асбест асосида олинадиган материаллар, керамзит ва ҳоказо.
б) органиқ иссиқ изоляцией материллар - ёғоч толали ва ёғоч қириндили плиталар, қамиш плиталар, торф плиталар, пластмасса асосида олинадиган материаллар.
в) аралаш материллар - фибролит, арболит ва ҳоказолар.
2. Ташқи кўринишига ва тузилишига кўра:
а) қаттиқ буюмлар - плита, сегмент, ғишт ва ҳоказо.
б) эгилувчан буюмлар - қават-қават материллар, шнурлар ва ҳоказо.
в) сочилувчан материллар - кукунсимон, толали, донали ва ҳоказо.
3. Иссиқ ўтказувчанлик коэффицентига кўра улар 3 синфга бўлинади:
А - иссиқ ўтказувчанлик коэффиценти 0,058 вт/м°С гача.
Б - иссиқ ўтказувчанлик коэффиценти 0,058-0,116 вт/м°С гача.
В-иссиқ ўтказувчанлик коэффиценти 0,18вт/м°С дан ошмайдиган материаллар
4. Ўртача зичлигига кўра улар маркаларга бўлинади. Булар қуйидагилар:
а) жуда енгил - маркалари: 15, 25, 35, 50, 75, 100
б) енгил-маркалири: 125, 150, 175, 200, 250, 300
в) оғир - маркалари: 400, 450, 500, 600
Иссиқ изоляцион материалларнинг хоссалари ва сифат кўрсатгичи иккига бўлинади:
Функционал (махсус) ва эксплуатацион (умумий) хоссалар.
Функционал хоссалар материалнинг ишлатилишига қараб аниқланади. Иссиқ изоляцион материаллар учун бу хоссалар - иссиқ ўтказувчанлик ва ишлатиш температураси. Функционал хоссаларга ғоваклик ҳам киради, у материалнинг сифатини аниқлайди.
Курилиш-эксплуотацион хоссаларга буюмларни ташиш, монтаж қилиш, эксплуатация шароитларини характерлайдиган хоссалар киради. Булар мустахкамлик кўрсатгич­лари, материалнинг сув, температура, олов, совуқ ва кимёвий таъсирларга чидамлилиги каби хоссалар киради.