Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

Бетон қоришмасини жойлаш ва зичлаш. Бетоннинг зичлиги ва мустаҳкамлиги қоришмани қолипга жойлаш ҳамда зичлаш усулларига боғлиқ. Асосий усуллар қуйидагилардир: шиббалаш, титратиб зичлаш, титратиб штамплаш, вакуумлаш ва титратиб вакуумлаш.
Бетон қоришмасига таъсир этган титратувчи куч, бетондаги тўлдиргичлар орасидаги ишқаланишни камайтиради ва ниҳоят, қоришма бироз суюқлашади, кейин зичлашиб қолипга яхши жойлашади. Бетон қоришмасининг яхши жойланиши учун турли титраткичлар ишлатилади. Қурилишда ишлатиладиган титраткичлар конструктив тузилишига кўра сиртқи, ташқи ва ички турларга бўлинади. Бетон қоришма бундай вибратор билан зичланганда, ундаги тўлдиргичларни минутига 3000—7000 марта тебратади. Титраткичнинг тебраниш амплитудаси 0,1—0,6 мм, зичлаш радиуси эса 35—45 см.
Ички титраткичларнинг иш унуми 3—6 м³/соат. Йўлларни бетонлашда ишлатиладиган титраткич рейкаси деб аталувчи махсус титраткичлар катта юзали бетон қоришмасини зичлашда ишлатилади. Титраткич рейкаси оддий темир таёқчадан ибррат бўлиб, унга ўрнатилган титраткич бутун юза бўйлаб таёқча орқали тебранувчи куч тарқатади.
Янги жойланган бетон қоришмасини зичлашда кўпинча вакуумлаш усули ҳам қўлланилади. Бу усул бетон қоришма таркибидаги ҳавони ва ортиқча сувни сўриб олишга асосланган. Вакуумланган бетоннинг зичлиги ва мустаҳкамлиги оддий титратилган бетонга нисбатан юқори бўлади. Цемент сарфи 15—20 %гача камаяди. Қоришмани вакуумлашда вакуум-насос ва фильтрловчи билан қопланган вакуум-ёпқичдан ташкил топган кўчма ёки стационар қурилмалар ишлатилади.
Вакуумлаш усули билан фақат 20—30 см қалинликдаги бетон қатламини зичлаш мумкин. Вакуум-шитдаги ҳавонинг сийракланиши, бетон қоришмасидаги эркин кимёвий бирикмаган сувнинг 13—18 %гача бўлган микдорини тортиб олишга имкон беради. Вакуумлаш усули совуққа чидамли, юқори мустаҳкам бетон ва темир-бетон конструкцияларини зичлашда ҳамда уларнинг қотиш жараёнини тезлатишда кенг ишлатилади.
Титратиб штамплаш усулида бетон қоришма хомаки ёғоч тахтага ёки темир қолипга ётқизилгандан кейин унинг устига буюм шаютини берувчи оғир вазнли штамп бостирилади (2 Расм)

(2-расм). Титратиб штамплаш усули билан буюм тайёрлаш: 1-штамп; 2-вибратор; 3-штампни қисиб турадиган қурилма; 4-ташқи қолип; 5-бетон қоришма

Штамплаш жараёнида қоришма солинган қолип титратилади ва натижада штамп буюм шаклини ҳосил қилади.

Темир-бетон қувурлар, устунлар ва узун буюмларни кўпинча марказдан қочирма кучга асосланиб ишлайдиган центрифуга қолипларда тайёрланади (12.10-расм). Бу усулга кўра бетон қоришма темир қувур қолипга солингандан кейин, уни минутига 600—800 марта айлантирилади. Марказдан қочирма куч таъсирида бетон қоришма темир қувурнинг ички сиртига ёйилиб зич ҳолатда бир текис қалинликда жойлашади ва керакли буюм ҳосил қилади.

1 2.10-расм. Марказдан қочирма усули билан бетон конструкцияларни тайёрлаш:

1—қолип; 2— қолипни айлантирувчи ролик; 3—айланиш тезлигини кузатувчи; 4— электр мотор; 5—қоришма.