Ўзбекистон республикаси олий ва ўрта махсус таълим вазирлиги мирзо улуғбек номли ўзбекистон

2-§. Тадбиркорлик ҳуқуқи субъектлари 
Тадбиркорлик ҳуқуқининг субъектлари - бу хўжалик (тадбиркорлик) фаолиятини амалга 
оширишга ваколатли бўлган шахслардир.
Тадбиркорлик ҳуқуқи субъектлари
тўғрисида сўз кетар экан, аввало, шуни айтиш жоизки, 
уларни бир неча турларга ажратиш мумкин. Субъектларни туркумлаш уларнинг мулкчилик 
шаклига, ваколатларига, фаолият турига қараб белгиланади. 
Мулк шаклларининг хилма-хиллигидан келиб чиқиб, хўжалик ҳуқуқининг субъектларини 
қуйидаги турларга бўлиш мумкин: 
1.
 
Фуқароларнинг хусусий мулкига асосланган хўжалик юритувчи субъектлар; 
2.
 
Жамоа мулки кўринишидаги хусусий мулкка асосланган хўжалик юритувчи субъектлар 
(жамоа, оила, маҳалла, ишлаб чиқариш кооперативлари, акциядорлик жамиятлари, маъсулияти 
чекланган жамиятлар, ширкатлар) ва бошқалар; 
3.
 
Давлат мулкига асосланган хўжалик юритувчи субъектлар (республика мулкига, 
маъмурий-территориал тузилмаларнинг мулкига асосланган); 
4.
 
Тўла ёки улуш қўшиб иштирок этишга асосланган (қўшма корхоналар) хўжалик юритувчи 
субъектлар; 
5.
 
Мулкчиликнинг аралаш шаклига асосланган хўжалик юритувчи субъектлар. 
Хўжалик (тадбиркорлик) ҳуқуқи субъектлари ваколатларига кўра ҳам қуйидаги турларга: 
1.
 
фақат хўжалик фаолиятини амалга оширувчи корхоналар (фермер хўжаликлари, хусусий 
корхоналар ва бошқалар); 
2.
 
бошқарувни амалга оширувчи субъектлар (ҳокимият, вазирликлар, давлат органлари); 
3.
 
ҳар иккаласини қўшиб олиб борувчи субъектлар (концерн, корпорация)га бўлиш мумкин. 
Хўжалик юритувчи субъектларни фаолият мақсадига (турига) қараб икки турга: 
1.
тижоратчи ташкилот; 
2.
тижоратчи бўлмаган ташкилотга бўлиш мумкин. 
Тижоратчи ташкилот бу фойда олишни ўз фаолиятининг асосий мақсади қилиб қўйган 
субъект бўлиб, (хусусий корхоналар, хўжалик жамиятлари) тижоратчи ташкилотларнинг ҳуқуқий 
ҳолатлари Ўзбекистон Республикаси Фуқаролик Кодекси ва бошқа қонун ҳужжатларида белгилаб 
қўйилган. Тижоратчи бўлмаган хўжалик юритувчи субъектлар ўз олдига муайян мақсадни кўзлаган 
ҳолда ҳаракат қилиб, фойда кўришни кўзламайди.