Ўзбекистон республикаси олий ва ўрта махсус таълим вазирлиги мирзо улуғбек номли ўзбекистон

3-§. Тадбиркорлик фаолиятининг турлари. 
А) Акциядорлик жамиятлари 
Акциядорлик жамияти тўғрисидаги умумий қоидалар, акциядорлик жамияти тузиш, Устав 
фонди, жамиятнинг акциялари, облигациялари ва бошқа қимматли қоғозлари, жамиятнинг соф 
активлари, акциялар ва қимматли қоғозларни тарқатиш ҳамда жойлаштириш, акциядорлар реестри 
ва акцияларни сақлаш, дивидендлар, акциядорлик жамиятини бошқарувчи органлари, жамиятнинг 
йирик битимлар тузиши, уни қайта ташкил этиш ва тугатиш, ҳисоб-китоб ва жамият фаолиятини 
назорат қилиш масалалари Ўзбекистон Республикасининг 1996 йил 26 апрелда қабул қилинган 
«Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонуни
ва бошқа қонун ҳужжатларида ўз аксини топган. Устав фонди жамиятнинг акциядорларга нисбатан 
мажбуриятларини тасдиқловчи муайян миқдордаги акцияларга тақсимланган хўжалик юритувчи 
субъект акциядорлик жамияти ҳисобланади. 
Очиқ акциядорлик жамиятида капитал тўпланишини оддий механизми мавжуд, яъни 
инвесторларнинг маблағлари акцияларни чиқариш йўли билан жалб этилади ва энг муҳими жамият 
иштирокчиларининг сони чекланмагандир. 
Очиқ акциядорлик жамияти акцияларнинг эгалари уларни эркин равишда сотишлари ёки 
сотиб олишлари мумкин, бу жамиятнинг фаолиятига асло таъсир этмайди ҳамда бу учун 
жамиятнинг бошқа иштирокчиларининг розилиги талаб қилинмайди. Бунда капитал 

---

51 
тадбиркорликнинг бир фаолияти соҳасидан бошқасига ҳеч қандай қийинчиликсиз ўтиши мумкин, 
бошқа тижоратчи ташки-лотларда эса капитални эркин айланиши муайян даражада
чекланган. 
Ёпиқ акциядорлик жамиятида акциялар олдиндан белгиланган доирадаги шахслар орасида 
тақсимланади. Бунда жамият ўзи чиқараётган акцияларга очиқ обуна ўтказишга ёхуд уларни 
чекланмаган доирадаги шахсларга сотиб олиш учун бошқача тарзда таклиф этишга хақли эмас. 
Ёпиқ жамият акциядорларининг сони эллик нафардан зиёд бўлиши мумкин эмас.