Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети математика факультети

Битирув малакавий ишнинг асосий мақсади, умумий ўрта таълим мактабларида геометрия дарслари самарадорлигини оширишда « Геометрик масалаларни ечишда геометрик акслантиришлар методи » мавзусини назарий ва илмий-методик жиҳатдан ўрганиш.
Битирув малакавий иш объекти: умумий ўрта таълим мактабларида ва ўрта махсус таълим муассасалари(академик лицей ва касб-ҳунар коллежи)да геометрия ўқитиш жараёни
Битирув малакавий иш предмети: Математик таълимда «Геометрик масалаларни ечишда геометрик акслантиришлар методи»нинг мазмуни ва методлари
Битирув малакавий иш усуллари: битирув малакавий иш мавзусига оид илмий-методик адабиётларни таҳлил қилиш, «Геометрик масалаларни ечишда геометрик акслантиришлар методи»га доир геометрик усуллар, илғор фан ўқитувчиларнинг тажрибаси.
Битирув малакавий ишнинг амалий аҳамияти: «Геометрик масалаларни ечишда геометрик акслантиришлар методи» мавзуси бўйича амалга оширилган ишлар математик таълими жараёнида ўқувчиларга замонавий талаблар бўйича билим бериш, уларнинг интеллектуал салоҳитлариини ривожлантириш ва кўп қиррали фаолият кўрсата олишига имкониятини яратади. Ундан геометрия фанини ўқитишда, математика бўйича синфдан ташқари машғулотлар-тўгарак, факультатив ва бошқа машғулотларда, ўқув режеларини такомиллаштириш, дастур ва дарсликларниг янги авлодларини яратишда, математика ўқитувчиларнинг мустақил равишда касбий ва илмий-методик тайёргарлигини орттиришда, қайта тайёрлаш ва малака ошириш тизимида фойдаланиш имкониятини беради.
Битирув малакавий ишнинг тузилиши: Иш кириш, икки боб, 6 та параграф, хулоса ва фойдаланилган адабиётлар рўйхатидан иборат.
1-БОБ. Геометрик ясаш ва геометрик акслантиришлар методи ҳақидаги асосий тушунчалар
1.1-§. Геометрик ясаш ҳақида
1.1.1-§. Геометрик ясаш ҳақидаги асосий тушунчалар
Бир ёки бир неча ясаш қуроли (циркуль, чизғич, гўния ва бошқалар) ёрдамида маълум талабларга жавоб берувчи геометрик фигура ясашни талаб этган масала ясашга доир геометрик масала ёки, қисқача, конструктив масала дейилади. Математиканинг ясашга доир геометрик масалалар ечиш методларини ўргатувчи қисми геометрик ясашлар назарияси ёки конструктив геометрия деб аталади.
Конструктив геометрияда бу асосий ишдан бошқа яна қуйидагилар ҳам қаралади:

1. 
   конструктив масалаларни типларга ажратиш, тахминий ясаш ва баъзи бўлаклари чизмада жойлашмаган геометрик образларни ясаш; конструктив масалалар ечиш учун энг содда йўлларни топиш ва ечишдаги соддалик даражасини аниқлаш; геометрик ясашлар вақтида содир бўладиган техник хатоларни ўрганиш;
   
2. 
   геометрик ясашларда фойдаланиладиган қуроллардан ҳар бирининг ёки бир нечтасининг биргаликда ишлатилиш соҳаларини аниқлаш ва ясаш қуролларининг қайсилари билан қандай масалаларни ечиш мумкин эмаслигини исботлаш;
   
3. 
   конструктив геометрия назариясининг амалий ҳаётда ва бошқа қўшни фанлар соҳасида ишлатилиши.