Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон

 
 
8–мавзу. Македониялик Александрнинг Бақтрия ва 
Сўғдиёнага юришлари. 
Режа: 
8.1. Ёзма манбалар маълумотлари. 
8.2. Сиёсий воқеалар. Александр ва Спитаман. Юнон–
македонларга қарши кураш. 
8.3. Тарихий география. 
8.1. Ёзма манбалар маълумотлари. 
Арриан, Курций Руф ҳикоялари. Страбон «Географияси». 
Мил.авв. 329 йилда Македониялик Александрнинг Бақтрия ва 

---

188 
Сўғдиёна ерларига ҳарбий юришлари бошланган. Бу юришлар Ўрта 
Осиё тарихида энг яхши ўрганилган мавзулардан бири бўлиб 
ҳисобланади. Александрнинг қўшинида аскар–жангчилар билан 
бирга бўлажак тарихчилар Птолемей, Аристовул, Онесикрит, 
Каллисфен ва Хареслар хизмат қилиб, турли хил сиёсий ва маданий 
воқеаларни ёзиб борганлар. Уларнинг мааълумотлари бизгача етиб 
келмаган, лекин дастлабки манбалардан сўнгги юнон тарихчилари 
ва географлари фойдаланганлар. 
Жумладан, Диодор (мил.авв. 90 – 21 йиллар) «Тарихий 
кутубхона», Страбон (мил.авв. 61 – мил. 24 йиллар) «География», 
Помпей Трог (мил.авв.I–мил. I аср) «Филипп тарихи» асарларини, 
Плутарх (мил. 46–127 йиллар), Клавдий Птолемейлар (II аср) ўз 
ҳикояларини, Плиний (I аср) «Табиий тарих» номли китобини 
яратдилар. Аммо Александр юришлари ҳақида кенг ва тўлиқ 
маълумотлар римлик Квинт Курций Руф ва юнон Арриан 
асарларида сақланган.
Арриан (мил.90/95–175 йиллар) “Александр анабасиси” деган 
асарнинг муаллифидир. Анабасис – бу “давлат ичкарисига 
денгиздан узоқлашган ҳарбий юриш» ёки “Александр юришлари” 
деб таржима қилинади. Курций Руф (мил.авв. I асрнинг охири – 
мил. I асрнинг ўрталари) «Македониялик Александр тарихи» номли 
китобни яратган. Аммо Аррианга нисбатан унинг ҳикояларида 
бадиий тўқималар кўп учрайди. 
Қуйида Арриан ва Курций Руф асарларидан олинган айрим 
маълумотларнинг таржимаси келтирилади (улар рус тилига 
М.Е.Сергеенко ва В.С.Соколовлар томонидан таржима қилинган).