Ўзбекистон республикаси олий ва ўрта-махсус таълим вазирлиги мирзо улуғбек номидаги

Ўзбекистонда давлат ва диний ташкилотлар ўратасидаги муносабатнинг асосий тамойиллари.
Ўзбекистон Республикасининг дин ва диний ташкилотлар билан муносабати, Ўзбекистон Республикаси Конституцияси тегишли моддаларида акс этган Виждон эркинлиги, шунингдек «Виждон эркинлиги ва диний ташкилотлар тўғрисида» қонун халқаро ҳужжатлардаги талабларга мос тузилганлиги билан ажралиб туради.
Мустақиллик: динга ва диний ташкилотларга муносабатнинг ўзгариши.
Ўзбекистон мустақилликка эришгач, динга ва диний ташкилотларга муносабат тубдан ўзгарди. Бу ўзгаришларнинг моҳиятини ва аҳамиятини теран англаб етмоқ учун собиқ Шўро даврида динга ва диний қадриятларга нисбатан бўлган салбий муносабатни билиш бизни ўйлаш ва фикр юритишга, мустақилликнинг қадрини англашга йўллайди. Мустақиллик туфайли Ўзбекистон фуқаролари учун том маънодаги виждон эркинлиги таъминланди.
Миллий ва диний қадриятларимиз қайта тикланди ва тикланмоқда. Жумладан Рамазон ва Қурбон хайитлари 1990 йилдан бошлаб ҳар йили оммавий равишда, эмин-еркин байрам сифатида нишонланиб келинмоқда. Диний-маърифий соҳада Имом Бухорий, Имом Мотрудий, Имом ат-Термизий, Баҳоуддин Нақшбанд, Бурҳониддин Марғиноний ва бошқа улуғ мутафаккирларимизнинг юбилейлари ўтказилди.
Мустақиллик туфайли республикамиз фуқаролари Ҳаж сафарига бориш, муқаддас қадамжоларни зиёрат қилиш имконига эга бўлдилар. Ўтган йиллар давомида халқимизнинг маънавий бойлиги бўлган ноёб манбаларни тизимли ўрганиш йўлга қўйилди. Мустақиллик йиллари диннинг жамиятдаги мавқеи тикланди, барча диний уюшмаларга, мазҳаб ва жамоаларга қонун доирасида очиқ ва даҳлсиз фаолият имконияти яратилди.
Жаҳон динлари ҳақида умумий маълумот. Миллий, ирқий мансублигидан қатъий назар, бутун ер юзи бўйлаб ёйилган динларни жаҳон динлари деб аташ кенг тарқалган. Уларга жумласига ҳозирда христианлик, ислом ва буддавийлик динларини киритиш мумкин. Бугунги кунда христианлик жаҳоннинг 200 дан ортиқ мамлакатида тарқалган бўлиб, унга тахминан 2 миллиард киши эътиқод қилади. Ислом дини жаҳоннинг 174 та давлатида тарқалган бўлиб, 1.6 миллиард киши эътиқод қилади. Буддавийлик дини эса жаҳоннинг 86 та давлатида тарқалган бўлиб 800 миллион киши эътиқод қилади.