Ўзбекистон республикаси олий ва ўрта махсус таълим вазирлиги жиззах политехника институти

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
ЖИЗЗАХ ПОЛИТЕХНИКА ИНСТИТУТИ
АХБОРОТ ХАТИ

Ўзбекистон Республикаси Президенти Ш.Мирзиёев томонидан илгари сурилган 5 та муҳим ташаббус ташаббус доирасида ёшларимизга бўлган эътиборни янада кучайтириш, уларни маданият, санъат, жисмоний тарбия ва спортга кенг жалб этиш, ёшларда ахборот технологияларидан фойдаланиш кўникмаларини шакллантириш, юртимиз ёшлари ўртасида китобхонликни тарғиб қилиш, хотин-қизлар бандлигини ошириш мақсадида 2021 йилнинг 27 май куни “Бешта муҳим ташаббус-буюк келажак пойдевори” мавзусидаги Республика иқтидорли ёшларнинг онлайн илмий-амалий конференцияси ўтказилади.

Конференция иши қуйидаги шўъбаларда олиб борилади:
1-шўъба. Ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишда таълим муассасаларининг ўрни.
2-шўъба. Мамлакатимизда жисмоний тарбия ва спортни ривожлантириш: муаммо ва ечимлар.
3-шўъба. Замонавий технологияларга асосланган рақамли иқтисодиётнинг жадал ривожланиш даврида ёшларнинг ахборот маданиятини ошириш масалалари
4-шўъба. Китобхонлик ва китоб тарғиботини кучайтириш, ахборот-кутубхона фаолиятини такомиллаштиришга тўсқинлик қилувчи омиллар ва уларни бартараф этиш йўллари
5-шўъба. Хотин-қизлар бандлигини ошириш масалаларига янги тизим асосида ёндашув.
6-шўъба. Талаба-ёшларнинг илм-фан ва инновациялар соҳасидаги илмий-тадқиқот ишлари 
Конференциянинг ишчи тиллари: ўзбек, рус, инглиз ва қорақалпоқ.
Талаблар: материал 3-5 бет, 1 интервал, А4, чап томонидан 3 см, ўнг томондан 1,5 см, юқори ва пастдан 2 см жой қолдирилиб, компьютернинг Microsoft Word муҳаррирининг Times New Roman 14 ўлчамли шрифтида тайёрланиши ва ҳамма бетлар тўла бўлиши шарт. Маъруза материалларининг юқори қисмида мавзу бош ҳарфларда ёзилади, бир интервалдан кейин ўнг томонда талаба(лар)нинг ва бир интервалдан кейин илмий раҳбарнинг фамилияси-исми-шарифи (исми-шарифи қисқартирилган ҳолда) кўрсатилади. Бир интервалдан кейин мақоланинг асосий матни берилади. Ҳар бир мақолада фақат бир нафар талаба ва бир нафар илмий раҳбар бўлиши шарт.
Тақдим этилган мақола учун 20000 сўм ташкилий бадал йиғими тўланади.
Материаллар электрон вариантда 2021 йил 25 майга қадар қабул қилинади.
Мақолаларни @jizpikonf2021 телеграмм каналига юборинг ва тўловни CLIСK (UZCARD: 8600 3329 9408 8742) тизими орқали ҳам амалга ошириб [phone] (Мустафоқулов Асатулло) билан хабарлашишингиз сўралади
Манзил: 130100, Жиззах ш., И.Каримов-4 уй. [phone] (Мустафоқулов Асатулло) тел.: [phone], Факс: [phone], ЖизПИ.
Анжуманга қизиқиш билдирганлигингиз учун миннатдормиз!
Ташкилий қўмита
Эслатма: Тақдим этилган мақолалар ва шахсан тақдимотлар билан фаол иштирок этишлари керак. Муаллифлар орасидан турли номинациялар бўйича энг намуналилари танлаб олинади. Ғолиб бўлган мақола муаллифлари фахрий ёрлиқ ва қимматбаҳо эсдалик учун совғалар билан рағбатлантирилади.