Ўзбекистон республикаси олий ва ўрта махсус таълим вазирлиги жиззах политехника институти “автотранспорт” факультети

Кислород ва уни олиш. Маълумки, кислород оддий шароитда рангсиз ва ҳидсиз газ бўлиб, хаводан бир оз оғир (1 м³ массаси 1,33 кг) бўлган актив элемент. Кислород асосан ҳаводан (маълумки, ҳавонинг 78,08% и азот, 20,95% и кислород, 0,94% и инерт газлар, қолган кисми водород ва бошқа газлардан иборат) олинади.
Бунинг учун ҳавони махсус қурилмадаги фильтрлардан ўтказилиб, чанг, угле­род (II) оксидидан тозаланиб, қуритилгач, компрессорда 20 МПа босимгача сиқиб, совитгичлардан ўтказиб суюлтирилади.
Суюлтирилган хаводан азотни ва инерт газларни ажратишда уларнинг қайнаш ва буғланиш температуралари фарқидан фойдаланилади. Маълумки. нормал шаро­итда суюқ азотнинг қайнаш температураси ~196°С, суюқ кислородники -182,9°С. Шу боисдан унинг буғланишида аввало газдан азот ажралади, кейин эса кислород аралашади, кислородни газгольдерларга, улардан эса кислород баллонларига 15 МПа босимда тўлдириб, заводдан истеъмолчига юборилади.
ГОСТ 5583—78 бўйича техник кислород тозалигига кўра 1-нав (99,7% О₂), 2-нав (99,5% О₂) ва 3-нав (99,2% О₂) га бўлинади. Баллонлар хаво ранг ёки яшилга бўялиб, сиртига оқ ранг билан кислород деб ёзиб қўйилади.
Пайвандлаш горелкалари. Ёнувчи газларни маълум нисбатда кис­лород билан аралаштириб, барқарор газ аланга олишига хизмат этувчи асбобга горелка дейилади. ГОСТ 1077-19 га биноан горелкалар конструкциясига, фойдаланиладиган газлар хилига, ишлатилишига ва алан­га қувватига кўра ажралади. Горелка конструкциясига кўра инжекторли ва инжекторсиз хилига ажралади. Амалда кўпроқ ишлатиладиган горелкалар инжекторли горелкалар бўлиб, уларнинг кичик босимда (0,01—0,02 МПа), ўрта ва юқори босимда (0,01—0,1 МПа) ишловчи маркалари бор.
6-расм, а да инжекторли горелканинг схемаси келтирилган. Уни ишга тушириш учун аввал кислород вентили 3, кейин ацетилен вен­тили 4 очилади. Бунда кислород канал 1 орқали кириб, инжектор 5 нинг конусли тешигидан катта тезликда (300 м/с) чиқишда канал 2 дан келаётган ацетиленни сўриб, камера 6 да аралашиб, мундштук тешигидан 100-140 м/с тезликда чиқишда ёндирилса, аланга ҳосил бўлади. Алангани заруриятга кўра ростлашда кислород вентили 3 ва ацетилен вентили 4 дан фойдаланилади. Инжекторли горелкаларнинг Г2-04; Г3-03; Г4 хиллари бор бўлиб, турли қалинликдаги металларни пайвандлашда фойдаланилади ва уларнинг аланга қувватини ростлаш учун учликлар қўшиб берилади.