Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

Дарснинг бориши:
I. Ташкилий қисм.
II. Сўраш. Ўтган дарс мавзуси юзасидан савол-жавоб ўтказиш, янги педогогик ва ахборот технологияларини қўллаган ҳолда ўқувчилар билимини назорат қилиш. Масалан, ўқувчиларга ўтилган дарс юзасидан қуйидаги топшириқ ва саволларни бериш мумкин: 1. Халқ ҳунармандчилигининг қандай турларини биласиз? 2. Таниқли ўзбек халқ ҳунарманд усталари ва уларнинг иш усуллари ҳақида гапириб беринг. 2. Бозор муносабатлари шароитида "Ҳунарманд" уюшмасининг фаолияти ва истиқболлари ҳақида гапириб беринг. 3. Ҳунармандларнинг бозор муносабатлари асосида олиб бораётган иш фаолиятларидан мисоллар келтиринг ва ҳ. Ўқувчиларнинг жавоблари умумлаштирилиб, янги мавзу юзасидан йўл-йўриқлар берилади.
III. Янги мавзу баёни
Режа:
1. Совға учун қутича ясашнинг технологик харитасини тузиш.
2. Технологик харита асосида совға учун қутича ясаш.
1. Совға учун қутича ясашнинг технологик харитасини тузиш. Амалий машғулотнинг бориши. Ҳар қандай буюмни ясаш учун унинг тегишли чизмаси ва технологик жараённинг асосини ташкил қиладиган технологик харитаси бўлиши шарт. Технологик жараён деганда умуман ишлаб чиқариш жараёнининг бир қисми тушуниладики, унда хом ашёни тайёр буюмга айлантирилади. Технологик жараён ўз навбатида технологик меҳнат жараёнларига бўлинади. Ҳар бир технологик жараён технологик жараённинг тугал бир қисми бўлиб, уларда бир иш ўрнида ва асбобни алмаштирмай, масалан, арралаш, рандалаш, эговлаш, пармалаш, елимлаш, михлар, бурама михлар (шуруп) ва бошқа воситалар билан бириктириш каби бирор иш бажарилади. Шунингдек, технологик жараён ҳам янада кичик элементларга - технологик ўтишларга бўлинади. Булар технологик жараённинг тугал қисмларидан иборат бўлиб, фойдаланиладиган асбобнинг ва ишлов бериладиган юзанинг доимо бир хиллиги билан характерланади. Масалан, ёғочни арралаш, ғадир-будур юзасини рандалаш ва ҳоказо. Бу машғулотда совға учун қутича ясалишини ва унинг техник чизмалари ва технологик харитасини, тузилишини, уларни дафтарга кўчириб олиш кераклигини айтиб ўтилади. Шундан сўнг ўқувчилар билан биргаликда совға учун қутича ясашнинг технологик харитаси тузилади.