Ўзбекистон республикаси олий ва ўрта махсус таълим вазирлиги фарғона давлат университети психология тарихи

Бинсвангер Людвиг (1881–1966), швейцариялик психолог ва психиатр. Цюрих, Лозанна ва Гейдельберг университетларида тиббий маълумот олган. XX асрнинг 20-йилларида Л. Бинсвангер феноменологияни психиатрияда қўллаш ғояси билан чиқди. Л. Бинсвангер тадқиқотларининг натижаси сифатида инсоннинг долзарб мажудлигини феноменологик анализ қилиш кўринишидаги экзистенциаль анализни ишлаб чиқиш бўлди. Л. Бинсвангернинг фикрича экзистенциаль анализнинг асосий мақсади субъект тажрибасининг ички оламини қайта тиклаш бўлиши керак.
Л. Бинсвангер инсон эркин, чунки у ҳар доим битта зарурат, танлаш заруратига дуч келади. Психология фани одам ва унинг мавжудлигини яхлит ҳолда кўриб чиқишни ўрганиши зарур. Одам маиший ҳаётининг ҳамма модусларини функциональ яхлитликда ифодалаш учун Л. Бинсвангер koinonia (қадимги грекчадан – иттифоқ, жамоа) атамасини қўллайди. Koinoniaнинг бузилиши оқибатида навротик белгилар пайдо бўлади.
Л. Бинсвангер одам, унинг экзистенцияси “ўз холига ташлаб қўйилганда”, трансценденталь – объектив идрок доирасида чекланган ва эркин бўлмаганда невротикка айланади. Одам, ҳатто ўзининг “ўз холига ташлаб қўйилганлигини” англаганда ҳам ўзини танлаши керак, чунки танлашни рад этиш ёки неврозга ёки мунофиқ, ёлғон мавжудликка олиб боради. Л. Бинсвангернинг фикрича, неврозлар ва психозлар оламни қуриш ва трансцендация – объектив борлиқ доирасидан ташқарида идрок қилишнинг ўзига хос усули ҳисобланади. Психотик ўзи англаб етган оламда яшайди. Меъёр (норма)дан оғиш янги меъёр (норма) қуришни англатади. Невротик ходисаларнинг асосий сабаблари: 1) koinoniaнинг парчаланиши ва унинг натижасида одам мавжудлигининг турли модуслари ўртасида кескин зиддиятнинг пайдо бўлиши ва 2) мавжудликнинг қандайдир битта модусининг устунлиги оқибатида экзистенциянинг чекланиши, бу холат оламни идрок қилиш чегарасини торайтиради ва бошқа модусларнинг экзистенция бўлиши мумкинлиги эҳтимолини йўққа чиқаради. Шу муносабат билан психотерапевтнинг асосий вазифаси пациентга “идрок чегарасини” кенгайтиришга ёрдам беришдан иборат бўлиши керак.