Ўзбекистон республикаси олий ва ўрта махсус таълим вазирлиги фарғона давлат университети

Бошқариш даражаси деганда ташкилотнинг бошқариш тизимида маълум даражани эгаллаган бошқариш звеноларининг тўплами тушунилади.
Бошқариш даражалари вертикал боғлиқликда бўлиб иерархия бўйича бир-бирига бўйсунади: энг юқори даражадаги менежериар қарор қабул қилгандан сўнг аниқликлар киритилиб қуйида туравчи звеноларга етказилади. Шундан ташкилотни бошқаришнинг пирамидали структураси пайдо бўлади.
Ташкилот таркибига бир фирма ёки қатнашиш тизими бўйича бириашган бир неча компаниялар киради. (М: маълум даражадаги аксияга эгалик қилиш бўйича).
Бозор шароитига ўтиш ташкилотларнинг бир неча янги турларини шаклланишигаолиб келди. Энг кўп тарқалган ташкилий шакллардан бири ижара шаклидир. Уларнинг пайдо бўлиши билан марказий бошқариш чегараланган тавсифга эга бўла бошлади. Шунинг билан боғлиқ равишда ташкилий тизимнинг бундай тузилмалари тўла хўжалик ҳисоби ва ўз-ўзини бошқариш асосида ташкил қилинади.
Жаҳон амалиёти кўрсатадики бозор иқтисодиёти шароитида энг ҳаётий ташкилотлардан бири заёмли (қарз) капиталини кенг жалб қилиш асосида ташкил топадиган масулияти чегараланган жамиятдир. Улар хўжалик фаолиятини амалга ошириш мақсадида юридик ва жисмоний шахсларнинг қўйилмаларини бирлаштириш ҳисобига яратилади.
Қўшма корхоналар маҳаллий ва чет эл капитал қўйилмалари ёрдамида биргаликда хўжалик фаолиятини амалга ошириш, ташкилотни бошқариш ва фойдани тақсимлаш асосида яратилади. Қўшма корхоналарнинг яратилиши иқтисодиётга жиҳозлар ва технологияларнинг замонавий турларини; моддий ва молия ресурсларини, ҳамда бошқариш тажрибасини жалб қилиш; бозорни сифатли товарлар билан тўлдириш; маҳсулотларнинг конкуренсия қобилиятини ошириш муаммоларини ҳал қилишга йўналтирилган.
Ҳиссадорлик жамияти — хўжалик фаолиятини амалга ошириш мақсадида ташкилотлар ва фуқаролар воситаларини бирлаштиришнинг ташкилий шаклидир. Ҳиссадорлик жамияти, таннархининг номинал қийматига тенг бўлган маълум миқдордаги аксияга тақсимланган устав фондига, ўз мулки ва мажбурияти доирасида мулкий масулиятга эга. Аксияларнинг умумий номинал қиймати устав фондини ташкил қилади.
Холдинг компаниялари — қимматбаҳо қоғозлар назорат пакетини эгаллаш учун, асосан саноат фирмаларини ушлаб турувчи компаниялардир. Бунда назорат вазифаси устуворликка эга, чунки молия-кредит корхоналари ва бошқа фирмалар қатнашадиган саноат компанияларини назорат қилиб, бу компанияларнинг барча занжирини қисман ёки бутунлай назорат қилиши мумкин. Ташкилот ташкилий структураларининг турлари ташқи муҳит таъсирида аста-секин ўзгариб бориши мумкин.