Ўзбекистон Республикаси Олий ва ўрта махсус таълим вазирлиги Бухоро муҳандислик технология институти

1.2. Курс ишининг ҳажми ва уни расмийлаштириш.

Курс лойиҳаси ҳисоб – тушунтириш хати тариқасида ёритилади. Ҳисоб – тушунтириш хати 20….25 бет электрон вариантда ҳамда 1 – 2 варақ А2, А3 формат чизма шаклида бажарилади (Электрон – Word, Auto Cad) Ҳисоб – тушунтириш хати ўлчами 210х297 мм стандарт А4 қоғознинг бир томонига (юза қисмига) ёзилади. Қоғознинг чап томонидан 25 мм, қолган уч томонидан 5 мм масофа қолдирилиб рамка чизилади. Рамканинг пастки ўнг бурчагига бурчак белгиси чизилади. Тушинтириш хатининг муқоваси иловада кўрсатилган намуна шаклида бажарилиши керак. Тушунтириш хатининг биринчи бетида курс лойиҳасини бажариш учун топшириқ берилади ва ишнинг бажарилиши тартиби ҳақида мундарижа ёзилади. Кириш қисмида эса ушбу фаннинг ишлаб чиқаришдаги аҳамияти ва тутган ўрни ҳақида ҳамда курс лойихасини бажариш тўғрисида қисқача маълумотлар ёзилади. Тушунтириш хатининг охирида эса фойдаланилган адабиётлар рўйхати алфавит тарзида келтирилади.

Тушунтириш хатининг ёзилиши аниқ, равон ва адабий тилда ёзилиши керак. Қисқартириб ёзиш ва ўчириб тўғрилашларга йўл қўйилмайди. Жадваллар номланиши ва текстга боғланиши керак. Керакли чизмалар, графиклар қаламда ёки тушда аниқ ва тушунарли қилиб бажарилиши керак. Тушунтириш хатининг ҳамма бетлари номерланиши шарт.
График қисмидаги барча ишчи чизмалар, белгиланишлар, жадваллар давлат стандарти талаблари асосида бажарилиши лозим.
1.3. Курс лойиҳасини ҳимоя қилиш.

Тўлиқ бажарилган курс лойиҳаси, уни текшириш учун курс лойиҳа раҳбарига топширилади. Курс лойиҳасининг раҳбари лойиҳани текшириб тўлиқ бажарилганлиги ҳақида ўз фикрини билдириб лойиҳани ҳимоя қилиш учун талабаларга рухсат берилади.

Курс лойиҳаси кафедра томонидан тузилган махсус комиссия иштирокида ҳимоя қилинади. Комиссия таркибида энг камида иккита ўқитувчи қатнашиб, улардан бири курс лойиҳасининг раҳбари, иккинчиси шу фан бўйича маъруза олиб борувчи ўқитувчи бўлиши керак. Ҳимоя пайтида гуруҳ талабалари ҳам қатнашишлари мумкин. Курс лойиҳаси беш баллик система бўйича баҳоланади.