Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Листочкали қирқма тепа чўнтакни тикиш
Бу чўнтакни тикиш 3 босқичдан иборат:

1. 
   Листочка тайёрлаш
   
2. 
   Чўнтак халта тайёрлаш
   
3. 
   Чўнтакни тикиб йиғиш
   

1. Яхлит бичилган листочка икки букланиб дазмолланади. Ҳосил бўлган букилиш чизиғи бўйлаб листочкага қотирма ёпиштирилади. Листочка икки букланиб, ён қирқимлари тикилади. Бурчакларидаги чок ҳақлари кесиб ташланади. Листочка юз томонга ағдарилади. Тайёр листочкага чўнтак халтанинг 1 қисми уланади (6.2.4-расм,чок 1).

2. Чўнтак халтанинг иккинчи қисмига кўринма 7 мм. кенгликдаги чок билан уланади (чок 2).
3. Олд бўлакка чўнтак ўрни 3 та чизиқ билан белгиланади. Белгиланган чизиқ бўйлаб листочка олд бўлакка уланади (чок 3). Кўринма олд бўлакка листочка уланган чокдан 10 мм. масофада уланади (чок 4). Олд бўлак бахяқаторлар орасида чўнтак учларига 10-15 мм., бахяқаторлар томонига 2 мм. етказмай қирқилади. Чўнтак халталар тескари томонга ағдарилиб, бириктириб тикилади (чок 5), листочка учлари олд бўлакка синиқ бахяқатор билан бостириб тикилади (чок 6). Тайёр чўнтак дазмолланади.

6.2.4-расм. Листочкали қирқма тепа чўнтакни тикиш.

НАЗОРАТ САВОЛЛАРИ:
1. Киркма чунтакларнинг кандай турлари бор?
2. Киркма чунтакларни тикиш неча боскичдан иборат?
3. Киркма чунтакларнинг кандай безак деталлари бор?


ТАЯНЧ ИБОРАЛАР:
Чунтак, куринма, копкок, листочка, буйлама, чунтак халта, магиз, котирма.


МАЪРУЗА № 12

МАВЗУ: УСТКИ КИЙИМЛАР ЧОКДАГИ ЧЎНТАКЛАРИНИ ТИКИШ

РЕЖА:
1. Чокдаги листочкали чўнтакларни тикиш
2. Чокдаги листочкасиз чўнтакни тикиш
3. Шим олд бўлаги чокидаги қиялама чўнтакни тикиш

Бу чўнтаклар детал чокларида, бўртмаларда жойлашган бўлади. Улар листочкали ёки листочкасиз бўлади.