Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

НАЗОРАТ САВОЛЛАРИ:
1. Кийим тикиш учун қандай машиналар ишлатилади?
2. Бирлаштирувчи чоклар қаерларда ишлатилади?
3. Зий ва безак чоклар схемаларини чизиб, қаерда ишлатилишини айтиб беринг.


ТАЯНЧ ИБОРАЛАР:
Чок, машина, агдарма, бириктирма, зий чок, безак чок.


МАЪРУЗА № 5


МАВЗУ: КИЙИМ ДЕТАЛЛАРИНИ ЕЛИМЛАБ ВА ПАЙВАНДЛАБ УЛАШ
РЕЖА:

1. 
   Елимлаб улашда ишлатиладиган материаллар
   
2. 
   Деталларни елимлаб улаш усуллари
   
3. 
   Елимли бирикмалар ёрдамида деталларга ишлов бериш.
   

4. Термопластик материалларни пайвандлаш

Елимли материаллар кийим деталларига уқа қўйиш, детал четларини пишиқлаш (бахяқатор юритилганда ёлғон қавиқ ўрнига), ёқа, манжет, енг учига қотирма ёпиштириш, кийим этагини букиб ёпиштириш, борт қотирмаларини тайёрлаш чўнтак қопқоқ, ёқа ва шу кабиларни елимлаб йиғишда ишлатилади.

Асоси қиздирилганда суюқланиб, совитилганда яна қотадиган елимлар термопластик елимлар дейилади. Асоси қиздирилганда қотадиган елимлар термоактив елимлар дейилади. Бундай елимларни қотгандан кейин суюлтириб булмайди.
Елим танлашда унинг оммавий кийим тикиш шароитида деталларни улаш талабларга тўғри келадиган бўлишига эътибор қилиш керак.
Елимларга қуйидаги талаблар қўйилади :

4. 
   Чокнинг пишиқ чиқиши
   
5. 
   Юқори эластиклик
   
6. 
   Майинлик
   
7. 
   Сувга ва кийимларни кимёвий тозалашда ишлатиладиган моддаларга чидамлилик
   
8. 
   Физик-механикавий хоссаларининг кийим киядиган шароитдаги ҳароратга чидамлилиги.
   
9. 
   Ёруғлик ва ҳаво ўзгаришларига чидамлилик
   
10. 
    Қиммат ва дефицит бўлмаслик.
    

Елимлаб бириктириш учун елимли газлама, елимли уқа, ўргимчак уя типидаги нотўқима елим материал, елим ип ва елим плёнка ишлатилади.