Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Кесими ағдарма чокли енгларнинг тирсак чоклари тикилаётганда, айни вақтда кесим қирқимлари ҳам 0,5 см. кенгликда чок ҳосил қилиб бириктириб тикилади. Кесим юқори ва пастки бурчаклари бахяқаторга 0,1 см. етказмай кертиб қўйилади. Тирсак чоки ёриб, кесим эса устки бўлак томонга букиб дазмолланади. Сўнгра енг учига қотирма қўйиб букиб дазмоллаб, олд қирқимлари тикилади (6.5.3-расм).

6.5.3-расм. Кесими ағдарма чокли енгларни тикиш.

О чиқ кесимли енг тайёрлашда устки бўлак букиш ҳақи кесим ҳақидан 2 баравар ортиқ кесиб олинади ва уни ўнг томонга букиб, унинг пастки четида 0,5 см. кенгликда чок ҳосил қилиб, ён қирқимга 0,5 см. етказмай бириктириб тикилади. Кийим тирсак чоки тикилаётганда айни вақтда кесимнинг ён чоки ҳам тикилади, бурчаклари кертилади. Кесим енг устки бўлаги томонга букиб дазмолланади ( 6.5.4-расм ).

6.5.4-расм. Очиқ кесимли енгларни тикиш.

Бундан ташқари енглар уланма ва қайтарма манжетли бўлади. Улар асосий матодан ёки мўйнадан бўлиши мумкин. Уланма манжетлар тақилмали ва тақилмасиз, қотирмали бўлади.
Тақилмали уланма манжетли енгни тикиш
Уланма манжетлар астари билан яхлит бичилади. Юпқа газламалардан тикиладиган манжетларга қотирма қўйилади, андаза қўйиб букилиш чизиғи белгиланади.
Манжетнинг ўнги ичкарига қаратилиб, кўндалангига букилади. Манжет ён қирқимлари кенглиги 0,5 см. чок ҳосил қилиб бириктириб тикилади (чок 1). Бурчакларидаги чок ҳақи чокка 2 мм. етказмай қирқиб ташланади. Манжет ўнгига ағдарилиб, 2 мм. кенгликда кант ҳосил қилинади ва безак бахяқатор юргизилади ( чок 2 ). Манжетга изма йўрмаланади (чок3). Манжет енг учига 10 мм. кенгликдаги чок билан уланади ( 6.5.5-расм, чок 4).

6.5.5-расм. Уланма манжетли 6.5.6-расм. Қайтарма манжетли

енгларни тикиш. енгларни тикиш.