Ўзбекистон республикаси олий ва ўрта махсус таълим вазирлиги қарши муҳандислик иқтисодиёт институти кимёвий технология кафедраси

Оксидланиш деструкцияси. Полимерларнинг оксидловчи моддаларга чидамлилиги унда осон оксидланадиган гурухлар бўлиши ёки бўлмаслигига боқлиқ. Оксидланиш деструкцияси ултрабинафша (УБ) нури, радиация, иссиқлик, кислород, кучли оксидловчилар (озон, HNO₃, KMnO₄) ва металлар (Fe, Cu, Mn) таъсирида сезиларли тезлашади. Оксидланиш деструкцияси занжирли реакция бўлиб уни қуйидаги реакциялар орқали тушунтириш мумкин:

Полимерларнинг термик деструкцияси. Термик деструкция жараённи кузатиш кўпинча инерт газ атмосферасида ёки вакуумда қиздириш билан олиб борилади. Термик деструкциянинг хусусиятлари шундан иборатки, у нафақат макромолекуланинг полимерланиш даражасини камайтирибгина қолмай, унинг структуравий ўзгариши, шунингдек деполимерланишига хам олиб келади. Мономернинг хосил бўлиши деструкция жараёнига ва полимернинг синтез усулига, макромолекуланинг табиатига боғлиқ бўлади.
Полимерларнинг фотокимёвий деструкцияси. Хар хил тўлқин узунлигига эга бўлган нурлар таъсирида макромолекула деструкциясига учраши натижасида озод радикаллар ва макрорадикаллар хосил бўлиши молекуляр массани, эрувчанликни ва бошқа хоссаларининг ўзгаришига олиб келади.
Нур ютилганда макромолекуланинг кимёвий боғлари узилиб озод радикаллар хосил бўлади. Иницирлаш натижасида макромолекуланинг молекуляр массаси, тузилиши ва хоссалари ўзгаради.
Нурлар таъсирида борадиган кимёвий деструкция жараёни фотолиз дейилади. Бир вақтнинг ўзида нурлар, кислород, намлик, кимёвий агентлар таъсир этса, макромолекулада мураккаб жараёнлар, яъни уларнинг фотооксидланиши ва гидролизи содир бўлади. Полимерларнинг фотокимёвий деструкцияси фотосенсибилизаторлар иштирокида тезлашади.
Полимерларнинг радиактив нурлар таъсирида деструкцияси. Радиактив нурлар таъсирида полимер юзасида эркин радикаллар хосил бўлиши мумкин, бу эркин радикал туфайли занжирларнинг ўзаро чокланиши, деструкцияси ва оксидланиши мумкин. Масалан, полиэтиленда чокланиш реакцияси қуйидагича кетади:

Узун занжирли полимерлар юзасида макрорадикаллар хосил бўлишининг ахамияти катта. Бундай макрорадикалларни полимерларни модификациялашда ишлатиш мумкин. Масалан, полиэтилендан олинган буюмни иссиқлик бардошлигини ошириш учун бу усулдан кенг фойдаланиш мумкин.