Ўзбекистон республикаси олий ва ўрта махсус таълим вазирлиги а.ҚОдирий номидаги жиззах давлат педагогика институти

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАъЛИМ ВАЗИРЛИГИ
А.ҚОДИРИЙ НОМИДАГИ ЖИЗЗАХ ДАВЛАТ ПЕДАГОГИКА ИНСТИТУТИ
“ТАСДИҚЛАЙМАН”
А.Қодирий номидаги ЖДПИ
ўқув ишлари проректори
____________ доц.Б.Қ.Тўхтамишев
“____” ___________ 2021 йил



ПЕДАГОГИКА ВА ПСИХОЛОГИЯ ФАКУЛТЕТИ
УМУМИЙ ПСИХОЛОГИЯ КАФЕДРАСИ

КУРС ИШИ ЁЗИШ БЎЙИЧА
ЙЎРИҚНОМА

ЖИЗЗАХ – 2021
Мазкур курс иши ёзиш бўйича йўриқнома “ Умумий психология” кафедрасининг 2020 йил __ августдаги __ сонли йиғилиш баённомаси қарори билан тасдиқланган.

Тузувчи: Ш.Камолова – Умумий психология кафедраси катта ўқитувчиси.

Тақризчилар: Р.Абдурасулов – Умумий психология кафедраси психология фанлари доктори.
Н.Халилова – психология фанлари номзоди,дотцент.

Умумий қоида
Курс иши - бу ўқув режасига киритилган, бирор аниқ мавзу бўйича талаба ва магистр томонидан тайёрланадиган, илмий-тадқиқот элементларини ўз ичига олган ёзма иш. Курс ишларини бажариш Ўзбекистон Республикаси Вазирлар Маҳкамаси томонидан тасдиқланган “Давлат таълим стандартлари”да кўзда тутилган. Уни ёзиш талаба ва магистрларнинг фан бўйича олган билимларини чуқурлаштириш ва мустаҳкамлашга, мустақил равишда илмий тадқиқот ишларини олиб бориш кўникмасини эгаллашга, бажарган илмий иши натижаларини ижодий якунлашни ўрганишга ёрдам беради.
Курс ишининг мақсади ва вазифаси
Академик таълим йўналишлари ва магистратура мутахассисликларида таҳсил олаётган талаба ва магистрларда илмий-тадқиқот ишларини олиб бориш кўникмаларини шакллантиришда курс ишининг аҳамияти каттадир. Курс ишини бажариш жараёнида талаба ва магистр эгаллаган назарий билимлари ва мавжуд меъёрий ҳужжатлар, маълумотномалар ва замонавий ахборот технологияларидан фойдаланган ҳолда амалий масалаларни мустақил равишда ечиш ҳамда ўз ғоя ва ечимларини жамоада ҳимоя қилиш кўникмасини эгаллайди.