Ўзбекистон Республикаси Олий ва Ўрта махсус таълим вазирлиги Андижон Давлат Университети

Tarmoq yo’nalishlari:
shahar sotsiologiyasi, sanoat sotsiologiyasi, oila 
sotsiologiyasi va h.q. Tarmoq sotsiologiyasi amaliy tadqiqotlar uchun bazis bo’lib 
xizmat qiladi, chunki olingan ma`lumotlar asosida tashkilot, korxona, muassasa 
faoliyati takomillashadi. Tarmoq yo’nalishi rivoji fundamental sotsiologiya oldida 
jamiyat yaxlit tuzilishda turli xil ijtimoiy tizimlar roli, o’rni, o’zaro harakat turlari, 
taraqqiyot asoslari masalalarini qo’yadi. 
O’rta asrlar davrida fundamental va amaliy fanlar bilan buyuk allomalarimiz 
bevosita shug’ullanishgan va quyidagi akademiya maktablarini barpo etishgan: 
1) «Ma`mun akademiyasi» Abul Abbos ibn Ma`mun tomonidan X asr oxiri XI asr 
boshlarida tashkil topdi, Ibn Miskoviy, Abu Nasr Ibn Iroq kabi buyuk allomalar ta`lim 
olgan.
2) Samarqandda Ulug’bek astronomiyasi maktabi XV asrda tashkil tapgan.
3) Xorazm Ma`mun akademiyasini qayta tashkil etish to’g’risida 1997 yil 11 
noyabrda O’zbekiston Respublikasi Prezidentining farmoni qabul qilinib qayta tiklandi. 

---

43 
2006 yil noyabrida Prezident Islom Karimov Xiva shahrida Ma`mun akademiyasining 
1000 yilligiga bag’ishlangan tantanali marosimda «Ilmu ma`rifat ziyosi hech qachon 
so’nmaydi» mavzuida nutq so’zladi. 
1995 yilning aprel` oyida tashkil topgan O’zbekiston Respublikasi Prezidenti 
huzuridagi Davlat va jamiyat qurilish Akademiyasi hamda 1996 yilning may oyida 
tashkil etilgan Bank-moliya Akademiyasi hokimiyat va boshqaruv organlari 
xodimlarini, iqtisodiy tuzilmalar mutaxassislarini sifat jihatdan yangi darajada 
tayyorlash, qayta tayyorlash va ular malakasini oshirish bo’yicha bosh muassasalardir. 
O’zbekiston Respublikasi Prezidenti huzuridagi Davlat va jamiyat qurilish 
Akademiyasidagi jarayon kadrlarni siyosiy, madaniy, ma`naviy hamda kasb jihatdan 
tayyorlash majmuini o’z ichiga oladi. Akademik ta`lim tinglovchilarda milliy va 
umuminsoniy qadriyatlar, keng aql-zakovat, chuqur bilim va mulohaza, tashabbus, 
muammolarni hal etishga ijodiy yondashuv asosida hozirgi zamon tafakkurini 
shakllantirishga qaratilgandir.
1995 yil 3 oktyabrda Prezidentimiz Islom Karimov Davlat va jamiyat qurilish 
akademiyasining ochilishi marosimida so’zlagan nutqida ta`kidlaganidek, «Akademiya-
bu oddiy o’quv yurti, kadrlar, hattoki, rahbar kadrlar tayyorlaydigan bilim dargohigina 
emas. U yangi tafakkur shakllanadigan, o’zimiz to’plagan va boshqa mamlakatlarda 
to’plangan ilg’or tajribalar o’rganiladigan, tahlil qilinadigan va tahsil beriladigan 
markaz bo’lib qolishi kerak» (Asarlar: T.4.-42-b.).
O’zbekiston Prezidenti Islom Karimov 1995 yil 2 noyabr kuni Raspublika bir 
guruh olimlari – mamlakat fanlar akademiyasi vakillari bilan uchrashuvda “Fan 
ravnaqisiz buyuk davlat qurib bo’lmaydi” xususidagi nutqida “Ayniqsa fundamental 
fanlarga alohida e`tibor berish kerak. CHunki fundamental fanlar taraqqiyot asosidir”, 
degan edi. Mustaqillikning 18 yili davomida davlatimiz asosan respublika uchun 
ustuvor ilmiy-texnik yo’nalishlari bo’yicha tadqiqotlarni qo’llab-quvvatlab kelmoqda. 
Buning uchun Fan va texnologiyalar markazida o’tkazilayotgan tanlovlar natijalariga 
ko’ra grantlarni amalga oshirish uchun etarli mablag’ ajratilmoqda. Iqtidorli yoshlarga 
nafaqat respublikada, balki rivojlangan xorijiy mamlakatlarda barcha sohalar bo’yicha 
o’z bilimi va tajribalarini oshirib borishlari uchun etarli shart-sharoit yaratib berilgan. 
Vazirlar Maxkamasining 1992 yil 21 iyuldagi «Fan va innovatsiya faoliyatini 
rivojlantirishni davlat tomonidan qo’llab-quvvatlash chora tadbirlari to’g’risidagi 337-
son» va 2002 yil 4 martdagi «Ilmiy-tadqiqot faoliyatini tashkil etishni takomillashtirish 
chora tadbirlari to’g’risidagi» 77-son Qarorlariga muvofiq Fan va texnologiyalar 
markaziga har yili ilmiy tadqiqot institutlari hamda oliy o’quv yurtlarining yosh 
olimlarini malaka oshirish hamda ilmiy stajirovka o’tish uchun rivojlangan xorijiy 
davlatlarning ilmiy markazlariga va oliy o’quv yurtlariga yuborish vazifasi yuklatilgan.
O’zbekiston olimlari fundamental, amaliy tadqiqotlar va innovatsiya ishlari 
sohasidagi 25 davlat ilmiy-texnika dasturi bo’yicha ishlar olib bormoqdalar.