Ўзбекистон республикаси олий ва ўрта махсус таълим вазирлиги алишер навоий номидаги тошкент давлат ўзбек тили ва адабиёти университети

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ


АЛИШЕР НАВОИЙ НОМИДАГИ ТОШКЕНТ ДАВЛАТ ЎЗБЕК ТИЛИ ВА АДАБИЁТИ УНИВЕРСИТЕТИ



Таржима назарияси ва амалиёти факультетининг
_____курс _____ гуруҳи талабаси
__________________________________________________________
(талабанинг Ф.И.Ш)
Малака амалиёти бўйича
К У Н Д А Л И Г И


ТОШКЕНТ – 20 ___
ТАЛАБА УЧУН МАЛАКА АМАЛИЁТИ ТЎҒРИСИДА
1. Малака амалиёти юқори малакали ўқитувчини тайёрлашда ўқув жараёнининг энг муҳим қисмларидан бири ҳисобланади. Педагогик амалиёт даврида талаба ўз мутахассислиги бўйича назарий билимларини тажрибада синовдан ўтказади, дарсни ташкил қилишнинг илмий-методик томонларини ўзлаштириш билан боғлиқ бўлган сир-асрорларини эгаллайди. Энг муҳими предмет бўйича баён этилган мавзу юзасидан ўқувчиларга билим бериш, иқтидор ҳосил қилиш, уларда фанга, илмга нисбатан қизиқиш уйғотиш ва ижобий фикрни тарбиялаш, Ватанга муҳаббат туйғусини юзага келтиришнинг амалий усулларини тадбиқ этишнинг йўл-йўриқларини ўзлаштириб олади.
Педагогик амалиёт жараёнида талаба таълим муассасаси анъаналари билан танишишдан ташқари, илғор ўқитувчиларнинг иш тажрибаларини ўрганади, энг муҳими, ўқув ва тарбиявий жараённи ташкил қилиш, дарсда қўлланиладиган дарслик ва методик қўлланмалардан фойдаланиш йўл-йўриқларини ўрганади. Синфда ва синфдан ташқари ишларни ташкил қилиш, уни ўтказиш, ўқувчиларнинг тўгаракларига раҳбарлик қилиш, истеъдодли ўқувчилар билан ишлаш ва уларнинг фанга нисбатан қизиқишларини ўстириш билан боғлиқ бўлган ўқув-тарбиявий ишларнинг услубий йўлларини ўзлаштиради.
Педагогик амалиётда фаол иштирок этишни таъминлаш талабанинг таълим муассасасини бошқаришнинг илмий асосини ўрганишга, ўқув жараёнининг самарали усулларини жорий қила билишга имкон беради. Педагогик амалиётни ўташ учун назарий ва амалий таълимнинг ўқув режасини тўла бажарган талабаларга рухсат берилади.
2. Талаба педагогик амалиётдан олдин факультет услубчиларидан амалиёт кундалиги ва дастурини олиши ҳамда бажариши лозим бўлган ишларнинг моҳияти билан танишиб тавсия этилган адабиётлар рўйхатини олиши керак.
3. Амалиёт даврида талаба қуйидагиларни бажариши шарт:

• 
  таълим муассасаси ички тартиб-қоидаларига риоя қилиш, амалиёт дастурида кўзда тутилган вазифаларни тўлиқ бажариш;
  
• 
  таълим муассасаси директори, ўқув ишлари ҳамда маънавий-маърифий ишлар бўйича директор ўринбосарлари топшириқларини бажариш ҳамда ўқитувчилар ва амалиёт бошлиғининг кўрсатмаларига амал қилиш;
  

таълим муассасаси (синф (гуруҳ)лар, лабораториялар, ўқув устахоналари, таълим муассасаси участкаси ва санитария участкалари) билан батафсил танишиш;

• 
  таълим муассасасининг ўқув-тарбиявий иш режаларини ўрганиб чиқиш;
  
• 
  синф (гуруҳ) ўқувчилари ва уларнинг давомати билан танишиш;
  
• 
  мутахассислиги бўйича 5-10 та синов дарсларини ўтказиш;
  

- амалиёт даврида фан ўқитувчиларининг дарсларига қатнашиш;

• 
  дарсларнинг таҳлилини бериш;
  
• 
  дарсдан ташқари ишлар (дафтар ва кундаликларни тўлдириш);
  

• 
  ўқувчиларнинг уйларига бориш ва уларнинг ота-оналари билан суҳбатлар уюштириш;
  

- ўзлаштириши паст ўқувчилар билан қўшимча дарслар ўтказиш;
- таълим муассасасида ота-оналар мажлисларини ўтказишда фаол иштирок этиш,
- амалиёт кундалигини мунтазам юритиш.
Амалиётда бажарилган ҳамма иш амалиётчи талабанинг ўқув-тарбиявий ишлар тавқим-тематик режасида ўз ифодасини топмоғи лозим.
4. Амалиёт тугагандан сўнг талаба уч кун ичида таълим муассасаси ўқитувчиларининг тавсифномаси билан амалиёт бўйича ушбу кундалик ҳисоботни ва қуйидагиларни факультет услубчисига топшириши керак:
- бир ўқувчи ва бутун синфга батафсил психологик тавсифномаси, синф билан ишлаш режаси;
- олтита синов дарсининг конспекти, кузатилган дарсларнинг таҳлили, кундалик
юзасидан ҳисобот;
5. Амалиёт дарслари ва бажарилган ишлар ҳақида салбий тавсифнома олган ёки амалиётдан “қониқарсиз” баҳо олган талабалар таътил даврида қайта амалиётга юборилади ёки институт талабалари сафидан чиқарилади.
6. Таълим муассасасининг ички тартиб-қоидасини бузган талабага жазо берилиши мумкин, бу ҳақида институт ректорига хабар берилади.