Ўзбекистон республикаси олий ва ўрта махсус таълим вазирлиги ал-хоразмий номидаги

Диссертация ишининг илмий-татқиқот ишлари режалари билан 
боғлиқлиги. Диссертация Ал-Хоразмий номидаги Урганч Давлат 
Университети илмий-татқиқот ишлари режаларидан ўрин олган.
Тадқиқотнинг мақсад ва вазифалари. Хива хонлиги тарихини ташкил 
топганидан то тугагунга қадар бўлган даврдаги айрим қирраларини 
яхлитликда манбалар асосида чуқурроқ ўрганиш ва ҳолисона ёритиш асосий 
мақсад қилиб қўйилди. Хонлик тарихи воҳа ва унинг атрофидаги шаҳарлар 
ҳаёти билан бевосита боғлиқ бўлганлигини назарда тутган ҳолда улардаги 
архитектура ёдгорликлари қурилиши, маданий қадриятлар тарихини 
ўрганишга ҳам катта эътибор қаратилди. Тадқиқот жараёнида қуйидаги 
муаммоларни ҳал қилишни асосий вазифалар қилиб белгиладик ва уларни 
қуйидаги айрим боб, қисмларга бўлиб ёритдик: 
— Хива хонлигининг ташкил топиши арафасида Хоразмдаги сиёсий 
аҳволни таҳлил қилиш;
— Хоразмда Шайбонийлар бошқарув тизимининг ўрнатилиши ва Хива 
шаҳрининг пойтахт этиб танланиши муаммосини ечишга ҳаракат этиш;
—
Хива хонлиги тарихида Араб Муҳаммадхон ва унинг авлодлари 
хизматларини далиллар асосида кўрсатиш;
—
Қўнғиротлар сулоласининг келиб чиқиши ва ҳокимиятни эгаллаши 
сабабларини манбалар асосида янада аниқлаштириш; 
— XIX аср бошларида Хива хонлигининг сиёсий ва иқтисодий 
юксалишининг объектив ҳам субъектив сабабларини аниқлаш; 
— Хива хонлигининг чор Россияси томонидан истило қилиниши ва ярим 
мустамлака давлатга айлантирилиши сабаблари ва оқибатларини кўрсатиш; 
— XIX асрнинг охирги чорагида Хива хонлигидаги ижтимоий–
иқтисодий ва маданий аҳволни тафсифлаш; 
— Хива хонлигида иқтисодий-ижтимоий ислоҳотлар ва уларнинг 
натижаларини кўрсатиш; 

---

19 
— Хива хонлигида сиёсий муносабатларнинг кескинлаши ва
хонликнинг тугатилиши сабабларини янги давр хужжатлари асосида 
ўрганиш.