Ўзбекистон республикаси олий ва ўрта махсус таълим вазирлиги абу райхон беруний номидаги

7.4. Нефть циклоалканлари

Молекуласида углерод атоми 5–6 та бўлган моноциклик циклоалканлар, асосан қайнашни бошланиши (ҚБ) – 125⁰С бўлган нефть фракциясида йиғилган бўлади. Циклоалканлар икки хил гуруҳга бўлиниши мумкин:

1. Моноциклик циклоалканлар.
2. Полициклик циклоалканлар.
Нефтнинг таркибида 25 дан то 75% (масс.) гача циклоалканлар бўлиши мумкин.
Нефть фракцияларга ажратилганда циклоалканлар дистиллат таркибида бўлади. Моноциклик циклоалканлар асосан циклопентанлар ва циклогексанлардан иборат бўлади. Полициклик циклоалканлар қуйидаги хил тузилишларга эга бўлиши мумкин:
а) конденсирланган ядроли

б) ўзаро бириккан (бициклогексан)

в) ўзаро кўприк боғ ҳосил қилган циклоалканлар (норборнан)

г ) спиран бирикмалар

д) трициклик углеводородлар

адамантан (трицикло [3,3,1,1]-декан)

е) пергидро ароматик углеводородлар

Нефть таркибида булардан мураккаброқ тузилишга эга бўлган циклоалканлар кузатилмаган. Циклоалканларда эса қуйидаги хусусиятлар мужассамлашган:

-молекулаларнинг геометрик изомерияси;
-нефтни қайта ишлаш жараёнларида улар тузилиши ўзгаришининг реакцияга киришиш хусусиятига таъсири;
-ёқилғи ва мой дистиллятларининг сифатига ижобий таъсири;
-тузилиши билан нефть метаформизми ва генезиси оралиғидаги боғлиқлик.


Газ конденсат ва қуйи фракциялардаги циклоалканларнинг физик хоссалари

Нефть ва унинг фракцияларида циклоалканларни тарқалиш қонунияти ўрганилган. Қуйидаги 7.7-жадвалда газ конденсати ва нефтнинг енгил фракцияларини углеводородларининг гуруҳ таркиби берилган.

Жадвалдаги маълумотлардан кўриниб турибдики, газ конденсати фракциясида циклоалканлар бир неча маротаба кўп (172 кг/тонна хом ашёга нисбатан). Фракциялар қайнаш ҳароратининг ошиши уларда бир ва трициклоалканлар кузатила бошлайди.