Ўзбекистон республикаси олий ва ўрта махсус таълим вазирлиги абу райхон беруний номидаги

Нефтнинг физик хоссалари

Нефтнинг асосий физик хоссаларига унинг зичлиги, қовушқоқлиги, сирт таранглик кучлари, нефтнинг қотиши ва эриши, иссиқлик берувчанлик хусусиятлари, сиқилувчанлиги, реологик хусусияти, электр хусусияти, молекуляр массаси, нефтнинг иссиқликдан кенгайиш хусусиятлари, ҳажм коэффициенти, нефтнинг киришиши, нефтни тўйинганлик босими, иссиқлик хоссалари, оптик хусусиятлари ва бошқа хоссалари киради.

Қуйида нефтнинг физик кўрсаткичларини яхши тушунтириш мақсадида 2.1-2.4-жадваллар орқали Ўзбекистон нефть конлари ҳудудларидаги нефтларнинг физик хоссаларини кўрсаткичлари берилган.


2.1.2.Табиий газлар

Табиий газлар асосан метандан ташкил топган (80÷95%), қолгани метан гомологларидан–озроқ миқдорда этан, пропан, бутан ва айрим ҳолларда жуда оз миқдорда пентандан иборат. Метан– рангсиз, ҳидсиз ва ҳаводан енгил газ. Чуқурликда ҳосил бўлган метан газидан юзада пайдо бўладиган метан изотоп таркиби бўйича бир-биридан тубдан фарқ қилади.

Табиий газлар–углеводородлар ва углеводород бўлмаган бирикмалардан ташкил топган аралашмадир. Улар қатламларда газ ҳолда ёки нефть ва сувда эриган ҳолда учрайди.
Табиий газ–газ конларидан олинадиган газларнинг умумий кўриниши С_nН_2n+2 ифодаси билан аниқланиб, метан гомологлари қаторидан ташкил топади. Табиий газ таркибида углеводородлардан ташқари бошқа газлар–азот (N₂), углерод (IV) оксиди (СО₂), водород сульфид (Н₂S), меркаптанлар шунингдек инерт газлар; аргон (Аr), гелий (Не), криптон (Кr), ксенон (Хе) бўлиши мумкин, меркаптанлар (баъзан тиоспиртлар дейилади) жуда ўткир, ўзига хос ҳиди билан ажралиб туради.


2.1-жадвал
Бухоро-Хива вилоятидаги нефтгаз конлар нефтларининг физик кўрсаткичлари