ЎЗбекистон республикаси олий ва ўрта махсус таълим вазирлиги абу райхон беруний номидаги

2-§ Металллар коррозияси бўйича умумий маълумотлар

1. 
   Металллар «Коррозияси» терминини аниқлаш
   

Машинасозлик саноатида ишлатиладиган деталлар, узеллар, асбоб-ускуналар, жихозлар,қувур арматуралари, насослар, резервуарлар, темир йўл цистерналари ва бошқа металл қурилмалар, асосан углеродли ва кам легирланган пўлатлардан тайёрланади. Бу металл курилмалар фойдаланиш жараёнида ташқи мухит (электролитлар, атмосфера ҳавоси ва бошқалар) билан ўзаро кимёвий ва электрокимёвий жараёнлар натижасида коррозияланиб, оксид ва гидроксидларини ҳосил қиладилар. Шунга кўра металллар коррозияси деганда, уларнинг ташқи мухит билан ўзаро таъсирида бўладиган кимёвий ёки электрокимёвий жараёнлар натижасида секинлик билан емирилиши тушунилади. Умуман коррозия сўзи (термини) лотинча «Corrosio» сўзидан олинган бўлиб, металлнинг занглашини парчаланишни ва занглашини емирилишни англатади. Металлларнинг коррозияланишини содир этувчи шароит коррозия ёки агрессив мухит дейилади.

Металлар механик жараёнлар натижасида ҳам, (силлиқлаш, ишқаланиш) емирилишлари мумкин. Лекин булар эррозик емирилиш бўлиб, металлларнинг коррозияланишини англатмайди.


2.2. Металллар коррозиясинингмашинасозлик саноатидаги салбий оқибатлири
Машинасозлик саноатининг турли тармоқларида ишлатиладиган асбоб-ускуналар, жихозлар ва технологик қурилмалар, асосан металлардан тайёрланган бўладилар. Бажариладиган технологик жараёнларни турига ва шароитига кўра, уларнинг биттасини массаси бир неча юз тоннани ташкил қилади. Умуман деталлар коррозияси машинасозлик тармоқларига каттта зиён келтиради. Буни кўйидаги келтирилган маълумотлардан кўришимиз мумкин.
1. Адабиёт маълумотларига кўра йил давомида ишлаб чиқариладиган пўлат қотишмаларининг олтидан бир қисми, коррозия натижасида ишдан чиққан металл қурилмаларини, асбоб – ускуналарни, ҳамда уларнинг эҳтиёж қисмларини алмаштириш учун сарфланади. Бу кўрсаткични дуне миқёсида кўрадиган бўлсак, у бир неча миллион тоннани ташкил этади. Бундан кўриниб турибдики, бир нечта металл эритучи заводларни йил давомида ишлаб чиқарган пўлат қотишмалари бекорга сарфланади.
2. ХХ-асрнинг охирига қадар, инсоният томонидан 35 млрд. тоннадан ортиқ пўлат қотишмалари эритиб олинган. Ҳозирги кунда уларнинг дунёдаги умумий кўрсаткичи 10 млрд. бўлиб, қолган қисми эса коррозия маҳсулотлари кўринишида биосферага тарқалган.
Коррозиядан курилган зарар икки харажатнинг йиғиндисидан ташкил топади, яъни бевосита ва билвосита харажатлардан. Бу харажатларни машинасозлик тармоқларида кўрсак бевосита харажатларга детал металининг нархи ва унинг ёрдамчи қурилмаларини қуриш учун сарфланадиган маблағлар киради. Билвосита харажатларга эса, коррозия натижасида деталларда ва асбоб ускуналарда содир бўлган салбий оқибатларни таъмирлаш давомида, улардан фойдаланаётган корхоналарни ишламай турган пайтдаги пул харажатлари, салбий оқибатларни бартараф этиш учун сарфланадиган металл ва пул харажатлари, ҳамда тўкилган ёки атмосферага тарқалган маҳсулотлар ҳисобига, атроф муҳит компонентларини булғаланиши натижасида содир бўладиган салбий оқибатларнинг қийматлари киради.