ЎЗбекистон республикаси олий ва ўрта махсус таълим вазирлиги абу райхон беруний номидаги

Катод станциялари ва уларнинг ишини назорат қилиш

Ер ости магистрал қувурларини коррозиядан ҳимоя қилиш учун махсус катод станциялари ёки чиқаётган кучланишни мословчи ўзгармас ток манбаларидан фойдаланилади. Катод станциялари, кучланиши 380/220 – 127/110 В га тенг бўлган ўзгарувчан токларни қабул қилиб, уларни ўзгармас токка айлантириб беради. Катод станциялари, автоматлаштирилган ва автоматлаштирилмаган турларга бўлинадилар. Автоматлаштирилган катод станциялари махсус блоклар билан таъминланган бўлиб, улар берилган электрик параметрларни, автоматик равишда бир ҳилда, бўлишини таъминлайдилар.

Автоматик катод станцияларга, қайта ҳосил қилувчи станциялар: (переобразовательлар) ПАСК – М туридагилар киради. Бу турдаги станциялар турғун ва потенциал кўрсаткичлари ўзгарувчан зоналарда фойдаланилади. ПАСК – М сериядаги қайта ҳосил қилувчи станциялар автомат ҳамда қул билан мослаш режимида ишлайдилар.
10 – жадвал
ПАСК – М туридаги қайта ҳосил қилувчиларнинг техник кўрсаткичлари

Тури	Номинал чиқиш қуввати, квт	Номинал чиқиш кучланиши, В	Номинал чиқиш токи, А	Массаси, кг
ПАСК–М– 0,6	0,6	48/24	12,5/25	115
ПАСК–М–1,2	1,2	48/24	25/50	128
ПАСК–М–2	2	96/48	21/42	140
ПАСК–М–3	3	96/48	31/62	160
ПАСК–М–5	5	96/48	52/104	215

11 – жадвал

Автоматлаштирилмаган КС нинг техник кўрсаткичлари

Тури	Номинал чиқиш қуввати, квт	Номинал чиқиш кучланиши, В	Номинал чиқиш токи, А	Массаси, кг
КСС–300	0,3	24/12	12/50	38
КСС–1200	1,2	24/12	50/100	92
ТСКЗ–1500	1,5	60/30	25/50	110
ПСК–М–0,3	0,3	24/12	125/25	96
ПСК–М– 1,2	1,2	48/24	25/50	112
ПСК–М– 5	5	96/48	52/104	210

Катод станцияларидан фойдаланиш жараёнида, уларнинг иш фаолияти назорат қилинади. ГОСТ 25812 – 83 талабига кўра, камида бир ойда икки марта қувурлардаги ЭКХ воситаларининг ишлари текширилади, яъни уларнинг иш самарадорлиги, ҳамда «қурилма – ер» потенциал кўрсаткичлари аниқланади (ўлчанади).
Электрокимёвий ҳимоя қурилмаларининг иш самарадорлиги (ҳимоя зонаси) йилнинг ҳар хил мавсумида, камида 4 марта текширилади. Бирорта ҳимоя кўрсаткичларини етарли эмаслиги кўзатилса (ҳимоя зонасини камайиши) ёки рухсат этилган «Қурилма – ер» ҳимоя потенциалларининг кўрсаткичлари ўзгарса, катод станциясининг иш режими мосланади.
Ерга уланган аноддан тарқалаётган токни қаршилиги йилига 4 – марта аниқланади. Электр қурилмаларининг ҳимоя контурини қаршилиги камида бир йилда бир марта ўлчанади.