Ўзбекистон республикаси олий ва ўрта махсус таълим вазирлиги абдулла қодирий номли жиззах давлат педагогика институти

1.Fuqarolarning o’zini-o’zi boshqarish organlari-shaharchalar, qishloqlar va ovullar, shuningdek shaharlardagi, shaharchalardagi, qishloqlardagi hamda ovullardagi mahallalar fuqarolar yig’inlari fuqarolarning o’zini-o’zi boshqarish organlaridir.
2.Fuqarolarning o’zini-o’zi boshqarish tushunchasi- Fuqarolarning o’zini-o’zi boshqarishi fuqarolarning mahalliy ahamiyatga molik masalalarni o’z manfaatlaridan, rivojlanishning tarixiy xususiyatlaridan, shuningdek milliy va ma’naviy qadriyatlardan, mahalliy urf-odatlar va an’analardan kelib chiqqan holda hal qilish borasidagi O’zbekiston Respublikasining Konstitutsiyasi va qonunlari bilan kafolatlanadigan mustaqil faoliyati.
3.Yarashtiruv komissiyasi-fuqarolarning oilada va mahallalarda tinch-osoyishta, hamjihatlikda yashashiga ko’maklashish, oilaviy nizolarni tinch yo’l orqali hal etish masalalari bilan shug’ullanuvchi fuqarolar yig’ini komissiyasi.
4.Taftish komissiyasi-fuqarolar yig’ini moliya-xo’jalik faoliyatini tekshirib boruvchi va o’z faoliyatida faqatgina fuqarolar yig’iniga bo’ysinuvchi fuqarolar yig’inining komissiyasi.
5.Mahalla-arabcha ― “mahallun” so’zidan kelib chiqqan bo’lib, aholi yashaydigan joy, guzar, uy-joy mavzelari degan ma’nolarni bildiradi.
O’zbekistonda maʼmuriy-hududiy birlik, o’zini-o’zi boshqarishning xalqimiz anʼanalari va qadriyatlariga xos bo’lgan usuli.
6.Mahalla oqsoqoli- har 2.5 yil muddatga saylanadigan va fuqarolarning o’zini-o’zi boshqarish organini boshqarib turadigan shaxs.
7. Ma’muriy komissiyalar-shahar va tuman markazlaridan olisda joylashgan mahallalarda ma’muriy tartibdagi ishlarni ko’ruvchi fuqarolar yig’ini organi hisoblanadi.
8.Davlat–jamiyat birligini va yaxlitligini ta’minlovchi, davlat mexanizmi vositasida jamiyat ishlarini boshqaruvchi, suveren ommaviy hokimiyatni amalga oshiruvchi, huquqqa umummajburiylik maqomini beruvchi, fuqarolar huquq va erkinliklarini, qonuniylik hamda huquq-tartibotni kafolotlovchi siyosiy tashkilot.
9.Demokratiya (yun. demos — xalq va kratos- xokimiyat) - fukarolarning ozodligi, tengligi tamoyillarini e’lon qilishga asoslangan siyosiy tuzum shakli.