Ўзбекистон республикаси олий ва ўрта махсус таълим вазирлиги абдулла қодирий номидаги жиззах давлат педагогика институти

Мавзунинг долзарблиги. Мактаб битирувчиларига етарли даражада билимларни бериш билан бир қаторда уларни тўғри касб танлашга ўргатиш бугнги кун таълим тизимининг асосий вазифваларидан бири ҳисобланади. Бунга эришишда “Математика” фанини фанлараро алоқадорлик тамойили асосида касбга йўналтириб ўқитиш муҳим ўрин тутади. Чунки бунга эришиш:

• 
  ўқувчиларни англанган ҳолда билим олиш билан бир қаторда тўғри каб танлаш имкониятларини оширади;
  
• 
  эгаллаган билимларини кундалик амалий ва касбий фаолиятларида ўринли қўллай олиш малакаларини шакллантиради;
  
• 
  ўз билимларини мустақил равишда ошириб бориш малака ва кўникмаларини шакллантириш имкониятлари ошади ва ҳ.к.
  

Тадқиқот мақсади: Фанлараро алоқадорлик тамойили асосида математика фанини касбга йўналтириб ўқитиш методикани ишлаб чиқиш.
Илмий тадқиқотни амалга ошириш жараёнида ўз ечимини топиши керак бўладиган қуйидаги вазифалар белгилаб олинди:

1. 
   тадқиқот муаммосининг долзарблигини давлат ва жамият, узлуксиз таълимни ислоҳ қилишга қаратилган қарор ва буйруқлар, мактабларда математикани ўқитишнинг бугунги ҳолатини ўрганиш орқали асослаш;
   
2. 
   тадқиқот муаммосининг ўрганилганлик даражасини Республикамиз ва хорижда олиб борилган мавзуга оид илмий тадқиқот ишларининг илмий таҳлили, илғор педагогик тажрибаларни ўрганиш асосида ёритиш;
   
3. 
   педагогика назарияси ва амалиётида математика фанини фанлараро алоқадорлик тамойили асосида касбга йўналтириб ўқитиш ёрдамида ўқитишнинг назарий асосларини ишлаб чиқиш;
   
4. 
   фанлараро алоқадорлик тамойили асосида математика фанини касбга йўналтириб ўқитиш ш методикасини ишлаб чиқиш;
   
5. 
   ишлаб чиқилган методиканинг тажриба-синов ишлари дастурини ишлаб чиқиш ва амалга ошириш;
   
6. 
   тажриба-синов ишлари натижаларини статистик таҳлил қилиш, хулоса ва таклифлар ишлаб чиқиш;
   
7. 
   илмий тадқиқот ишлари натижалари асосида илмий-методик тезислар мақолалар, методик тавсиялар тайёрлаш ва уларни нашр эттириш.