Ўзбекистон республикаси олий ва ўрта махсус таьлим вазирлиги

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЬЛИМ ВАЗИРЛИГИ


Ислом Каримов номидаги Тошкент Давлат Техника университети Олмалиқ филиали

“Электр техникаси ва электр механикаси ” кафедраси

“ЭЛЕКТР МАШИНАЛАР ВА ЭЛЕКТР ЮРИТМА”

фанидан
КУРС ИШИ

МАВЗУ: ЮК КЎТАРУВЧИ КЎПРИКСИМОН КРАННИ

ҲАРАКАТЛАНУВЧИ АРАВАЧАСИНИНГ ЭЛЕКТР
ЮРИТМАСИ
Гурух: 5б-19 КЭМ
Талабаси: Журабоев Ж.
Қабул қилди: Ганиев С.

Олмалиқ – 2021 йил
ЮК КЎТАРУВЧИ КЎПРИКСИМОН КРАННИ ҲАРАКАТЛАНУВЧИ АРАВАЧАСИНИНГ ЭЛЕКТР ЮРИТМАСИ


КУРС ИШИНИНГ МАЗМУНИ

1. Краннинг ҳаракатланувчи аравачасининг ҳаракатга келтирувчи мотор қувватини ҳисоблаш, қаршилик ва инерция моментларини мотор ўқига келтирилган қийматларини ҳисоблаш.

2. Аравачанинг юкланиш диаграммасини қуриш, каталогдан мотор танлаш ва редукторнинг узатиш сонини аниқлаш.
3. Моторнинг табиий механик тавсифини ҳисоблаш ва графигини қуриш.
4. Электр юритманинг ишга тушириш диаграммасини ҳисоблаш ва графигини қуриш.
5. Фаза роторли асинхрон моторнинг ротор чулғамига поғона қаршиликларни ҳисоблаш.
6. Электр юритмани ишга тушириш тавсифларини , юкланиш ва тормозлаш тавсифларини ҳисоблаш ва графикларини қуриш.
7. Моторнинг қувват исрофларини ҳисоблаш.
8. Электр юритманинг фойдали иш коэффициентини аниқлаш.

К И Р И Ш
“Электр юритма асослари” фанидан курс ишини бажаришдан мақсад талабаларнинг ўтилган мавзуларни мукаммал ўзлаштиришларига ёрдам бериш, мустақил фикр юритишга ўргатиш махсус техник ва бошқа адабиётлардан ҳамда маълумотномалардан самарали фойдаланишга ўргатишдан иборатдир.
Ишлаб чиқаришнинг барча соҳаларида турли технологик жараёнларни бошқаришда конструктив жиҳатдан ва ишлаш асослари хилма – хил бўлган машина ва механизмлар қўлланилади ва уларнинг иш унумдорлигига ва ишлаб чиқарилаётган маҳсулотларининг сифатларига қўйиладиган юқори даражадаги талаблар электр юритмаларини автоматлаштириш асосида амалга оширилади.
Саноат машина ва механизмларини ҳаракатга келтирувчи электр юритмаларининг моторларини юкланиш тури, характери ва иш режимларини ҳисобга олган ҳолда танлаш, уларнинг иш сифатини яхшилашга олиб келади, моторнинг узоқ муддат таъмирсиз ишлашини таъминлайди ва энергия исрофини камайтириш имконини беради.
Машина ва механизмлар, ишлаб чиқариш линияларини технологик кўрсаткичлари асосан уларда қўлланиладиган электр юритмаларнинг техник характеристикалари билан белгиланади. Маълумки, электр юритма ҳар қандай саноат қурилмасининг асосий элементидир. Шунинг учун турли машиналар яратиш улардаги электр жиҳозлари, шу жумладан электр юритмаларни ҳисоблаш ва лойихалаштириш билан бевосита боғлиқ бўлади. Ҳар бир бўлажак электр механикаси соҳасидаги мухандис ишлаб чиқаришнинг технологик жараёнларини ва қурилмаларни яхши билишлари, улардаги электр юритмаларни характеристикаларини қуриш, қувватини ҳисоблаш ва танлаш, асосий параметрларини аниқлаш каби масалаларни яхши билишлари керак.

Вариантлар	24
ГТ,Тc	10
ГГ, Тс	40
Д, М	0,6
В, м/мин	45
Аравача ҳаракат ма-софаси, М	40
д, М	0,08
Кўприк ҳаракат вақти, мин	3,4
Юк кўтариш ва тушириш вақти, мин	0,9