Ўзбекистон республикаси олий ва ўрта махсус таьлим вазирлиги бухоро мухандисликтехнология институти

14.2. Хўжалик субьйектларининг асосий фаолиятидаги пул оқимларининг 
таҳлили 
«Пул оқимлари тўғрисидаги ҳисоботда жорий (операцион), инвестиция, молиявий 
ва солиққа тортиш фаолиятлари бўйича пул маблағларининг кирими ва чиқими 
ифодаланган. 
Жорий (операцион) фаолият — хўжалик жараёнларини корхонанинг пул 
маблағларига, фойда миқдорига таьсирини ифодалайди. Бу бўлимга қуйидагилар 
киради: 
• жўнатилган товарлар ва кўрсатилган хизматлар учун келиб тушган пул 
маблағлари; 
• мол йетказиб берувчи ва пудратчиларга тўланган пул маблағлари; 
• ходимларга ва улар номидан тўланган пул маблағлари; 
• операцион фаолиятнинг бошқа пул тушумлари ва тўловлари. 
Корхоналарда пул маблағларининг ҳаракати асосан корхона хўжалик фаолиятида 
содир бўлади. Хўжалик фаолиятидан пул маблағларининг ҳаракатини таҳлил 
қилиб чиқишимиз учун жадвал маьлумотларини ўрганишимиз лозим бўлади. 
Жадвал маьлумотларига кўра биз таҳлил қилаётган «АВС» аксионерлик 
жамиятида, хўжалик (операцион) фаолиятидан пул маблағларинимг соф кирими 
727659 минг сўмни ташкил қилган. Корхонада жами кирим 3654697 минг сўмни 
ташкил қилиб, унинг 96,12 фоизи маҳсулотларни сотишдан келиб тушган пул 
маблағлари ҳисобига, қолган 3,88 фоизи эса операцион фаолиятнинг бошқа пулли 
тушумлари ҳисобига тўғри келган. Корхонанинг хўжалик фаолиятидаги жами 
сарфлари эса 2927038 минг сўмни ташкил қилиб, унинг 78,48 фоизи мол етказиб 
берувчиларга тўланган пул маблағлари, 9,13 фоизи ходимларга тўланган пул 
маблағлари ҳисобига, қолган 12,39 фоизи операцион фаолиятнинг бошқа пулли 
тўловлари учун сарф қилинган. Корхонада пул маблағларининг хўжалик 
(операцион) фаолиятидаги соф кирим натижаси 727659 минг сўмни ташкил 
қилган. Бу кўрсаткич умумий тушумнинг 19,91 % ини ташкил қилган. Бундай 
натижаларни корхона учун ижобий деб баҳоламоқ лозим. 
77-жадвал