Ўзбекистон Республикаси Олий ва Ўрта махсус, касб-ҳунар таълими вазирлиги Ўрта махсус, касб-ҳунар таълими маркази

Тўгарак раҳбари
Лавозим вазифалари:
а) таълим муассасаси тўгаракларига ўқувчиларни қизиқтириш, жалб қилиш, жамлаш ишларида ташаббус кўрсатади шу билан бирга тўгарак ишини ташкиллаштиради ва раҳбарлик қилади;
б) тўгарак ишини буюк аждодларимиз меросига чуқур ҳурмат билан ёндашиш, миллий ғурур ва Ватанга садоқат руҳида, дарсдан ташқари вақтдан унумли фойдаланиш мақсадида тўгарак фаолиятини олиб боради;
в) йўналиш бўйича тўгарак аъзолари (жамоа) индивидуал ва гуруҳий машғулотлар олиб боради;
г) тўгарак аъзоларидан касбий маҳоратни мустаҳкамлаш ва билим даражасини юксалтиришга ҳаракат қилади;
д) услубий ишларда фаол иштирок этади. Ўқувчиларни тўгаракка жалб қилиш мақсадида саралаш ва жамлаш ишларини олиб боради. Тўгарак аъзоларини (жамоа) турли мусобақа, кўргазма, концертлар ва бошқа оммавий тадбирларда қатнашишларини таъминлайди;
е) тўгарак аъзоларининг (жамоа) ўқув интизомига риоя этишини назорат қилади ва давоматини олиб боради;
ж) ота-оналар, маҳалла, ахборот-ресурс марказлари ходимлари, гуруҳ тарбиячилари ва ўқитувчилар билан ҳамкорлик қилади;
з) тўгарак иши фаолиятини такомиллаштириш бўйича таклиф беради, тўгарак ишини акс эттирувчи бурчакни расмийлаштиради ва уни реклама қилади;
и) тўгарак иши юзасидан ҳисоботлар тайёрлайди ва унинг ҳужжатларни юритади;
к) тўгаракда ўқувчиларнинг иштироки, қизиқишлари, ўзлаштиришини назорат қилади, тахлилини олиб боради ва фан ўқитувчиларига уларнинг қизиқишлари хусусида тавсия ва таклифлар киритади.


Билиши лозим:
а) Ўзбекистон Республикасининг «Таълим тўғрисида», «Кадрлар тайёрлаш миллий дастури тўғрисида»ги қонунлари, таълим тўғрисидаги бошқа қонун ҳужжатлари, дарсдан ташқари тарбиявий ишлар концепцияси, ўрта махсус, касб-ҳунар таълими марказининг норматив-ҳуқуқий ҳужжатларини, ушбу йўналиш бўйича тўгарак ишлари дастурини, услубий тавсияномаларни, тўгаракларда иш юритишнинг шакл ва услубларини, педагогика асослари, педагогик психология, ўсмирлар психологиясини;
б) ўқувчилар шахсини ривожлантиришнинг ҳуқуқий ҳужжатларини, уларнинг қизиқишлари ва эҳтиёжларини;
в) замонавий тарбия ва ўқитиш усуллари ва услубларини, турли маданий-оммавий тадбирларни ташкиллаштириш ва ўтказишни, маданият, санъат, фан ва техниканинг замонавий ютуқларини;
г) секция ва клубларни ривожлантириш дастурларини;
д) ўқитишда ахборот коммуникация воситалари ва технологияларидан фойдаланишни;
е) таълим муассасаси фаолиятини ташкил этишга қўйилган санитария-гигиена талабларини, техника ва ёнғин хавфсизлиги қоидаларини;
ж) ёшларга оид қонун ҳужжатларини;
з) юртимиз ички ва ташқи сиёсатига оид билимларни, миллий истиқлол ғояси: асосий тушунча ва тамойилларини, маънавият асосларига оид тушунчаларни.