Ўзбекистон Республикаси Олий ва махсус ўрта таълим вазирлиги олий ўқув юртларининг талабалари учун дарслик сифатида тавсия этган

65-расм. Сульфат кислота сувдаги эритмаларинииг кристалланиш ҳароратси.
Агар сульфат кислотанинг гидратлари ҳосил бўлса, эритманинг музлаш ҳароратси кислотанинг концентрациясига боғлиқлиги билан уларни аниқлаш мумкин. Эгри чизиғида (65-расм) учта максимум бор: 1 моль сульфат кислотага 4,2 ёки 1 моль сув тўғри келадиган эритмалар энг юқори музлаш ҳароратсига эга бўлади. Шу ва бошқа маълумотлар асосида сульфат кислота сув билан
тетрагидрат Н₂SО₄  4Н₂О, дигидрат Н₂S0₄  2Н₂0 ва моно-гидрат Н₂SО₄  Н₂О ҳосил қилади, деган хулосага келинади. Гидратлар гидроксони Н₈0⁺, SО²₄^ ва
НSО₄^- ионлари ҳосил қилиб диссоцияланиши мумкин.
Лабораториялардаги эксикаторлар нима мақсадларда ишлатилади? Эксикаторининг пастки қисмида қандай суюқлик бўлади? Сульфат кислотанинг бошқа моддалардан сувни тортиб олиш хусусияти нима билан тушунтирилади?
Яна 65- расмга қаранг. Баъзи эритмалар сув, сульфат кислота ёки унинг гидратларининг музлаш ҳароратсидан анча паст ҳароратларда музлайди. Масалан, таркибида 93,3% Н₂SО₄ тутган эритма—37,85° С да музлайди, таркибида 38% сульфат кислота бор эритма эса—74,5⁰ С да музлайди. Музлаш ҳароратлари энг паст бўлган бундай аралашмалар эстектик аралашмалар деб аталади (эстектика— грекча „яхши эрийди" демакдир).
Музлаш ҳароратсидан фойдаланиб, СНГ давлатлари территориясининг кўп қисмидаги иқлим шароитида ташиш ва сақлаш учун қандай концентрацияли сульфат кислота ишлаб чиқариш лозимлигини аниқланг. Жавобингизни стандартларда келтирилган маълумотлар билан таққосланг.
Сульфат кислота сувдаги эритмаларининг қайнаш ҳароратси, қайнаётган эритманинг ва буғнинг таркиби қандай? Диаграммадан (65-расм) кўриниб турибдики, кислотанинг концентрацияси (98,3% гача) ортиши билан қайнаш ҳароратси кўтарилади. Суюқлик ва буғнииг эгри чизиқларини солиштириб (исталган ҳароратдан горизонтал чизиқ ўтказиб), сиз таркибида 70% дан кам сульфат кислота бўлган сувли эритмалардан фақат сувнинггина буғланишини кўрасиз.