Ўзбекистон республикаси олий

Биринчи босқич 
(Ф.Бопп – В.Гумбольдт босқичи) 
Ф.Бопп – В.Гумбольдт босқичи XIX асрнинг иккинчи ўн йиллигининг 
ўрталаридан тўртинчи ўн йилликнинг охирларигача бўлган вақтни ўз ичига 
олади. Ушбу давр қиёсий-тарихий методнинг яратилиши ва умумий 
тилшунослик фанининг асосланиши билан характерланади. 
Қиёсий-тарихий методнинг асосчилари Ф.Бопп, Р.Раск, Я.Гримм ҳамда 
А.Востоковлардир. 
Франс Бопп 
 
Франс Бопп (1791

1867) буюк немис тилшуноси - санскрит мутахассиси, 
Берлин университети профессори. У 1816 йилда «Санскрит тилининг тусла-
ниш системаси ва уни грек, лотин, форс ва герман тилларидаги тусланиш си-
стемасига қиёслаш» асарини ёзди. 
Ф.Бопп қайд этилган тилларда мавжуд грамматик шаклларни - тусланиш 
формаларини қиёслаш асосида ушбу тиллар ўртасидаги умумийликни, 
ўхшашликни очиб берди. У қиёслаш методи билан қиёсланаётган тилларнинг 
дастлабки ҳолатини, кўринишини тиклаш мумкин, деган фикрни илгари 
сурди. Шунга кўра 1816 йил тўлиқ маънода қиёсий-тарихий тилшу-
носликнинг туғилиш-яратилиш йили деб эътироф этилади. 
Ф.Боппнинг кашфиёти, янгилиги нимада? Юқорида айтилганидек, кўпги-
на олимлар - В.Джонс, Фр.Шлегель кабилар Ҳинд-Европа тиллари бир бобо-
тилдан келиб чиққан, қариндош тиллар оиласини ташкил қилади, деган 
фикрни айтишган. 
Ф.Боппнинг хизмати шундаки, у қариндош тилларнинг мате-риаллари асо-
сида системага асосланган, система характеридаги умумий назарияни қуриб 
берди. У феълларнинг қўшимчаларини қиёслаб, ҳайратланарли даражага кел-
ди, яьни, маълум бўлдики, Ҳинд-Европа тилларида нафақат алоҳида ўхшаш 
ҳодисалар мавжуд, балки ушбу тилларда ўзаро ўхшашликнинг, ўзаро муво-
фиқликнинг бутун бир системаси-грамматик системалар-нинг умумийлиги, 
ўхшашлиги мавжудлиги аниқланди. Ф.Бопп учун тиллар ўртасидаги ўзаро 
мувофиқлик фақат восита эди, холос. Мақсад эса бошқа, яъни қиёсланаётган 
тиллардаги грамматик шаклларнинг энг қадимий, дастлабки кўринишини-
шаклини очиб бериш жараёнида бир тилга хос ҳодисани бошқа тил фактлари 
ёрдамида ёритиш, тушунтириш эди. Аниғи, муайян тилга оид шаклларни (сўз 

---

74 
формаларини) бошқа тилдаги шакллар (сўз формалари) орқали тушунтириш, 
изоҳлаш эди. Ушбу нуқтаи назар Ф.Бопп тадқиқотларининг янгилигидир. У 
шу билан қиёсий-тарихий методнинг асосини яратди. 
Ф.Бопп 1833

1852 йилларда уч томдан иборат бўлган «Санскрит, зенд, ар-
ман, грек, лотин, литва, эски славян, гот ва немис тилларининг қиёсий грамма-
тикаси» номли асосий асарини эълон қилди. Бу асарда санскрит тилига асо-
сланган ҳолда айрим грамматик формаларнинг тараққиётини ва уларнинг 
дастлабки манбаларини аниқлаш мумкин, деган фикрни илгари сурди. 
Ф.Бопп ўз таълимоти, асарлари билан ўша даврда маълум бўлган барча 
Ҳинд-Европа тилларининг қариндошлигини исботлаб беришга эришди. 
Унинг изланишларидан ҳали у даврда очилмаган, номаълум бўлган хет, то-
хар каби тилларгина четда қолди. Ф.Бопп тилшуносликка Ҳинд-Европа тил-
лари деган терминни ҳам олиб кирди. 
У ўз тадқиқотларида, асосан, морфология билан шуғулланди, фонетика, 
синтаксис-гап шакллари, қўлланиши, гап тузилиши каби масалаларга эъти-
бор бермади. 
Ф.Бопп тилларнинг қариндошлиги масаласида ҳам жиддий хатоларга йўл 
қўйди, яъни у кичик Полинезия ва жанубий Кавказ тилларини ҳам асоссиз ра-
вишда Ҳинд-Европа тилларига киритди.