Ўзбекистон республикаси олий

Нафас йўллари касалликларида ингаляция муолажасини қўлланилиш тартиби.
Игалаяционтерапия махсус аппаратлар - ингаляторлар ёрдамида ўтказилади.Улар дори моддаларини керакли ўлчамда дисперслаб (майдалаб) ҳавога газ кўринишида пуркаб, беморга нафас билан бирга олиш учун узатиб беради. Пуркаш асосан механик йўл билан пулверизатор типидаги форсункалар ёрдамида амалга оширилади. Энг мустаҳкам ва юқори дисперсланган аэрозолларни ултратовуш пуркагичи орқали олиш мумкин. Аэрозол заррачалари электр зарядланган бўлиши мумкин. Электр билан зарядланган аэрозоллар (электроаэрозоллар) юқори мустаҳкамлиги ва фаол фармокодинамик таъсири билан ажралиб туради. Бу айниқса манфий зарядли аэроионлар учун хосдир.Тиббий саноат ингаляцион аэрозолтерапия учун турли хил аппаратларни ишлаб чиқармоқда. Индивидуал қўллаш учун портатив ИП-2 аппаратининг электр иситувчи мосламасти бўлиб, уй шароитида ҳам фойдаланиш мумкин. Бу аппарат билан дори моддалари нафас йўлларига пуркалади. Юқори нафас йўлларининг, трахеянинг, йирик ва ўртача бронхларнинг касалликларида бу аппаратлар кенг қўлланилади. Шунингдек, портатив ингаляторлар қаторига АИ-1 (аэрозолли ингаляторлар), ПАИ-1, ПАИ-2, Аэрозол П-1 аппаратлари киради.Индивидуал қўллаш учун ИКП-М типидаги, халтага солиб юриладиган ингаляторлар ҳамда суюқ дори моддаларини пуркаш учун Каметон, дори кукунларини механик, пуркаш учун Спихолер типидаги ингаляторлар қўлланилади.Стационар аппаратлардан бири - универсал Аэрозол У-1 аэрозол – ингалятории бўлиб, уни физиотерапия бўлимининг ингаляция хонасида эркин юргизиб қўллаш мумкин. Бу аппарат ёрдамида бирданига 3та одамга муолажа ўтказилади.Аэрозол заррачаларининг ўлчами 5-7 мк.Аэрозол – К1 стационар аппарат бўлиб, бунда бирданига 6та беморга игаляция муолажаси ўтказилади. Уни физиотерапия бўлимининг ингаляторларида қўллаш мумкин. Статционар аппаратлар ва мосламаларда дори молддасини пуркаш ҳаво ёки кислород оқимида бажарилади, пуркалаётган заррачалар диаметри тахминан 1-8 мкм. УИ-2 аппарати ҳам стационар аппаратлар қаторига кириб, бирданига иккита беморни даволаш учун мўлжалланган.