Ўзбекистон республикаси олий ўрта махсус таълим вазирлиги фарғона политехника институти қурилиш факультети

Давлатнинг молиявий ҳолатини таъминлаган, маъмурий бошқарув тизимининг узвий қисми бўлган солиқлар тизимига доир бўлган тадқиқотлардан бири шарқшунос Н.Пантусов томонидан амалга оширилган. Мазкур тадқиқотнинг солиққа доир маҳаллий хужжатлар асосида яратилганлиги унинг қийматини янада оширади.

Қўқон хонлиги вилоятлари ҳокимлари ва улар билан марказий ҳокимият ўртасидаги муносабатлар, хонликнинг олиб борган ташқи сиёсати ҳамда молия тизимига доир айрим маълумотларни А.Ф.Миддендорфнинг «Очерки Ферганской долины» асарида ҳам учратиш мумкин.
XIX аср охирларида яшаган Сатторхон Абдулғаффоровнинг Қўқон хонлигининг рус истилоси арафасидаги ички ҳолатига бағишланган мақо-ласида хонликнинг айнан маъмурий бошқарув тизими ёритилган. Мақолада вилоят ҳокимининг иш юритиши ҳамда маҳаллий бошқарувнинг турли соҳаларидаги иш юритиш услубларини қайд этади
XX асрнинг 20-30 й. Ўрта Осиё хонликлари сиёсий тарихига бағишланган оз сонли тадқиқотларда Қўқон хонлигига бағишланган махсус асарлар учрамайди. Фақатгина В.В.Бартольднинг бу ҳудудда кечган сиёсий жараёнлар баёнида Туркистоннинг маданий ҳаёти, ислом масалаларига оид тадқиқотларида Қўқон хонлиги тарихининг айрим муаммолари ўз аксини топган. Асосан эътиборини Қўқон тарихининг сиёсий жиҳатларига қаратган олимнинг назаридан давлат бошқарув тизими масалалари четда қолган
XX асрнинг 60 - 80 йилларида А. Жувонмардиев, А.А. Троицкая, Р.Н. Набиев, А.П.Қаюмов, Ф.Ғаффоров, Э.Хуршут, Т.Қ.Бейсембиев, Ҳ.Н.Бобобеков каби олимлар ёзма манбалар маълумотлари асосида Қўқон хонлиги тарихининг турли масалаларига оид тадқиқотлар олиб бордилар. Мазкур олимларнинг тадқиқотларида хонликнинг маъмурий бошқарув тизимига оид айрим маълумотлар ҳам келтириб ўтилади. Жумладан, А.Жувонмардиевнинг асари хонликдаги солиқ турлари ва давлатнинг аҳолини ижтимоий ҳимоялаш борасидаги тадбирларига ойдинликлар киритувчи маълумотларга эгалиги билан ажралиб туради

Ушбу нодир асарда хонлик тарихига оид хужжатлар нафақат таҳлил этилиб, ўз мазмунига кўра гурухларга ажратилган, балки муаллиф архив хужжатларини ҳар бирининг анотациясини келтириб, ички қўринишини ёритиб, манзили, мундарижаси билан келтирганлиги ҳар бир архив хужжатини ҳарактерини очиб беришга ҳаракат қилганидан далолатдир. Муаллиф Қўқон хони Худоёрхон даврида ер-мулк эгалиги турлари ва уларни инъом этиш тартиблари, ўрмонлар, мулклардан хон хазинасига келиб тушадиган асосий солиқлар тури ва солиқ йиғиш тартиблари хақида тўхталишга ҳаракат қилган .