Ўзбекистон Республикаси Олий Мажлиси Сенати Халқ депутатлари маҳаллий Кенгашлари котибиятлари фаолиятини самарали ташкил этиш масалалари бўйича услубий

Маҳаллий Кенгаш, унинг доимий комиссияларининг назорат соҳасидаги ваколатларини самарали амалга оширишга кўмаклашиш

Маҳаллий Кенгаш ҳудуд учун умумий бўлган ижтимоий-иқтисодий ривожланиш вазифаларининг амалга оширилишини, жойларда Ўзбекистон Республикасининг қонунлари, Ўзбекистон Республикаси Президентининг фармонлари ва қарорлари, Ўзбекистон Республикаси Олий Мажлиси палаталарининг қарорлари, юқори турувчи маҳаллий Кенгаш қарорлари ижро этилишини таъминлайди.

Ушбу ваколатни амалга ошириш учун маҳаллий Кенгаш иш режаси ишлаб чиқилади. Иш режа маҳаллий Кенгаш доимий комиссиялари, депутатлари, маҳаллий ҳокимликнинг таркибий бўлинмалари, ҳудуддаги давлат ва жамоат ташкилотлари, фуқароларнинг ўзини ўзи бошқариш органлари таклифлари, шунингдек ҳудудий вакиллик органи сифатида Ўзбекистон Республикаси Олий Мажлиси Сенати тавсияларини инобатга олган ҳолда тайёрланади.
Маҳаллий Кенгаш иш режаси лойиҳаси муҳокама қилиш ва тасдиқлаш учун сессия муҳокамасига киритилади. Қонун ва қонун ости ҳужжатларида маҳаллий Кенгаш сессиясида маҳаллий давлат ҳокимияти органлари раҳбарларининг ҳисобот ва ахборотларини эшитиш масалалари иш режада акс эттирилиши мақсадга мувофиқ.


Маҳаллий давлат бошқаруви органлари раҳбарларининг ҳисобот ва ахборотларини эшитиш ҳамда муҳокама қилиш мақсадида маҳаллий Кенгаш иш режасида акс эттириладиган масалалар

Р Ў Й Х А Т И

Муддат	Ҳисобот (ахборот) берувчи мансабдор шахс ва мавзу
ҲИСОБОТИНИ ЭШИТИШ
Ҳар ойда	Ҳокимнинг ёшлар муаммоларининг ҳал этилишига кўмаклашиш, ёш авлоднинг истеъдоди ва қобилиятларини ривожлантириш бўйича қўшимча шароитлар яратиш борасида амалга оширилган ишлар тўғрисидаги ҳисоботини эшитиш