Ўзбекистон Республикаси Олий Мажлиси Сенати Халқ депутатлари маҳаллий Кенгашлари котибиятлари фаолиятини самарали ташкил этиш масалалари бўйича услубий

2021 йил 5 февралга қадар (97) 752-80-07 рақамидаги телеграм канали орқали юборишингизни сўраймиз.

Халқ депутатлари маҳаллий Кенгашлари котибиятлари
ташкил этилиши ҳамда унинг ҳуқуқий асослари

Халқ депутатлари маҳаллий Кенгаши котибияти (кейинги ўринларда Котибият деб юритилади) “Маҳаллий давлат ҳокимияти тўғрисида”ги Ўзбекистон Республикаси қонунининг 20-моддасига асосан ташкил этилади.

Котибиятни ташкил этиш юзасидан халқ депутатлари маҳаллий Кенгаши (кейинги ўринларда маҳаллий Кенгаш деб юритилади) қарори қабул қилинади, қарор билан Котибият тузилмаси, низоми, штатлари, унинг ходимлари меҳнатига ҳақ тўлаш миқдори ва моддий-техника таъминоти, шунингдек уларни сақлаш харажатлари тасдиқланади.
Котибият мудири маҳаллий Кенгаш депутатлари орасидан унинг ваколати муддатига сайланади ҳамда бу ҳақда қарор қабул қилинади, шунингдек Котибият ходимлари (мутахассислари) Котибият мудирининг тавсиясига асосан маҳаллий Кенгаш қарори билан лавозимга тайинланади ҳамда лавозимидан озод этилади.
Котибият ходимлари депутатлар орасидан тайинланмайди ва меҳнат шартномаси асосида фаолият олиб боради, шу боис уларнинг меҳнатга оид муносабатлари маҳаллий Кенгашнинг ваколат муддатига боғлиқ бўлмайди.
Котибият Ўзбекистон Республикаси Давлат герби ва ўз номи туширилган муҳрига ҳамда бланкаларига эга бўлади.
Котибият юридик шахс бўлиб, унинг фаолияти тегишли маҳаллий бюджет ҳисобидан молиялаштириб борилади.
Котибият ўз фаолиятида Ўзбекистон Республикасининг Конституциясига, Ўзбекистон Республикасининг қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармон ва қарорларига, маҳаллий Кенгашнинг қарорларига ҳамда маҳаллий Кенгаш қарори билан тасдиқланган Котибият тўғрисидаги Низомга амал қилади.
Котибият ўз фаолиятида Ўзбекистон Республикаси Олий Мажлиси палаталари, давлат органлари, хўжалик бошқаруви органларининг ҳудудий бўлинмалари, суд ва ҳуқуқни муҳофаза қилувчи органлар ҳамда бошқа ташкилотлар билан ҳамкорлик қилади.
Котибият фаолиятига Олий Мажлис Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси томонидан амалий-услубий ёрдам кўрсатиб борилади.