Ўзбекистон республикаси навоий кон-металлургия комбинати давлат корхонаси

Компания - тадбиркорларнинг ҳуқуқий шахс мақомига эга бўлган, пай капитали асосида ташкил қилинувчи бирлашмаси.
Конверсия - корхонанинг умуман бошқа турдаги маҳсулот ишлаб чиқаришга ўтиши.
Конгломерат диверсификацияси – корхонанинг ўз асосий фаолиятига боғлиқ бўлмаган бизнесга киришиши.
Консенсус – қарорларни ишлаб чиқиш жараёнида барча масалалар ва турли туман фикрлар юзасидан бир битимга келиш.
Консентрик диверсификация – корхонани ўз жорий фаолияти билан боғлиқ бизнесга киришиши. Бу орқали фаолият сотиб олиш ёки ўхшаш товарлар чиқарувчи фирмалар устидан назорат ўрнатиш эвазига кенгайтирилади.
Консерн - турли тармоқлардаги мустақил корхоналарнинг иштирок этиш тизими, қўшма тадқиқотлар, патент-лицензия келишувлари, молиялаштириш, ишлаб чиқариш ҳамкорлиги воситасида бирлашуви.
Кооперация қилиш - якуний маҳсулотни биргаликда тайёрлаш бўйича узоқ муддатли тўғридан-тўғри хўжалик алоқаларини ўрнатиш.
Корхонанинг оптимал (мақбул) ҳажми – корхонанинг маҳсулот ишлаб чиқариш (иш бажариш, хизмат кўрсатиш) бўйича имзоланган шартнома ва мажбуриятларни ўз муддатида, энг кам харажатлар билан энг юқори самарадорликка эришган ҳолда бажариш имконини берувчи ҳажми (миқёси).
Корхонанинг тижорат сири – корхонанинг ишлаб чиқариш, технология, бошқарув ва бошқа турдаги фаолияти билан боғлиқ, ошкор қилиниши корхона манфаатларига зарар етказиши мумкин бўлган, давлат сирларига алоқаси бўлмаган маълумотлари.
Лизинг - мулкка эгалик қилиш ҳуқуқи ижарага берувчида сақланган ҳолда, мулкни узоқ муддатли ижарага беришга асосланган ҳолда инвестицияларни молиялаштириш шакли; машина, ускуна ва транспорт воситаларининг ўрта ва узоқ муддатли ижараси.
Лицензия - қонунда белгиланган муайян хўжалик операциялари, жумладан, ташқи савдо (экспорт ва импорт) операцияларини амалга ошириш бўйича, ваколатли давлат идораларининг ҳуқуқий шахсларга берувчи махсус рухсатномаси.
Мақсад - бу муддао, мурод, яъни у ёки бу ниятга эришмоқ учун кўзда тутилган муштарак орзу, ният. Масалан, корхонанинг бўлажак ҳаракатларни олдиндан аниқлаш, пировард натижани баҳолаш ва ҳ.к.
Маркетинг – бозор ҳолатини асосли ўрганиш ва олдиндан баҳолаш билан товарларни ишлаб чиқиш ва сотишни ташкил этиш ҳамда бозор иқтисодиётининг муҳим унсури.