Ўзбекистон республикаси навоий кон-металлургия комбинати давлат корхонаси

Маҳсулот сифатини бошқариш тизими – сифатни бошқариш учун зарур бўлган ресурслар, жараёнлар ва жавобгарликни аниқ тақсимловчи ташкилий тузилма.
Маҳсулотнинг материал сиғими – хом ашё, материаллар ва бошқа моддий ресурсларнинг маҳсулот бирлигига сарфланувчи харажатлари.
Маҳсулотнинг меҳнат сиғими – меҳнат унумдорлиги кўрсаткичларига тескари бўлган катталик, йъани моддий ишлаб чиқариш соҳасида сарфланган меҳнатнинг ишлаб чиқарилган маҳсулот ҳажмига нисбати.
Маҳсулотнинг техник даражаси – баҳоланаётган маҳсулотнинг техник такомиллашганлигини белгиловчи, унинг базис кўрсаткичларига мос келувчи кўрсаткичларни таққослашга асосланган маҳсулот сифатининг нисбий тавсифи.
Маҳсулотнинг яшаш даври – маҳсулот ҳаётий даврининг 5 босқичи - яратиш, ишлаб чиқариш, бозорга чиқариш, ўсиш ва бозорнинг тўйиниши, маънавий эскириши - жараёнининг алмашиниш муддати.
Менежер - малакали бошқарувчи.
Менежмент – малакали бошқарув тўғрисидаги фан, бозор иқтисодиёти шароитида корхонанинг ташқи ва ички муҳитини ҳисобга олган ҳолда уни самарали мослашувчан бошқаручилик соҳаси.
Менежмент функцияси – менежмент вазифаси (“функция” лотинча сўз бўлиб, бирор кишининг фаолият доираси, вазифаси маъносини билдиради).
Меҳнат унумдорлиги –инсонлар ишлаб чиқариш фаолиятининг самарадорлиги; ходим моддий ишлаб чиқариш соҳасида иш вақти бирлигида ишлаб чиқарган маҳсулотлар миқдори ёки маҳсулот бирлигини ишлаб чиқариш учун сарфланган вақт.
Меҳнат шартномаси – тадбиркор (иш берувчи) ва ишга кирувчи шахс (ходим, ишловчи) ўртасидаги келишув ҳужжати. Унда ходимнинг меҳнат вазифаси, иш жойи, лавозими, ойлик иш ҳақи, ишлаш вақти ва ҳоказолар белгилаб берилади.
Моддий жавобгарлик – корхона ва ташкилот, айрим мансабдор шахс зиммасига хўжалик фаолиятининг натижалари учун юклатилган маъсулият.
Молиявий менежмент – корхона маблағларидан самарали фойдаланиш, кредит олиш ва бошқа молиявий муносабатларини бошқариш.