Ўзбекистон республикаси навоий кон-металлургия комбинати давлат корхонаси

Бошқарувнинг илмий мактаби (1885-1920 йй.) – бу мактаб асосчилари (Ф.Тейлор, Г.Эмерсон, Л.Гилбрет ва Г.Гант) қўл меҳнатининг самарали бажарилишига эришиш учун кўпгина жараёнларни такомиллаштириш, мукаммаллаштириш мумкин, деб ҳисоблаганлар. Америкалик муҳандис Ф.Tейлор “илмий бошқарув” иборасини асослаб берган ва 3 асосий жиҳати бўлган “тейлор тизимини”ни тавсия этган: меҳнатни оқилона ташкил этиш; ташкилотни расмий тузумини ташкил этиш; бошқарувчи ва ишчини ҳамкорлиги борасидаги чора-тадбирларни белгилаш.
Бошқарувнинг инсоний муносабатлар мактаби (1930-1950 йй.)- муаллифлари (М.П.Фоллетт, Элтон Меё, А.Маслоу) бошқарувда инсоний муносабатларга асосий эътиборни қаратишни тавсия этишиб, асосан қуйидагиларни назарда тутдганлар: бошлиқларнинг самарали ҳаракати, ишчилар билан кенгашлар ўтказиш ва уларга меҳнат жараёнида мулоқот қилишлари учун кенгроқ имкониятлар бериш. Улар фикрича, иш ва ишлаб чиқариш жараёни ишчи учун унчалик аҳамиятга эга эмас, балки унинг (ишчининг) ишлаб чиқаришдаги, обрў-эътибори ва ижтимоий ўрни асосий ўринда турмоғи керак.
Бошқарувнинг мумтоз ёки маъмурий мактаби (1920-1950 йй.) - мақсади бошқарувнинг универсал тамойилларини яратиш ҳисобланган менежмент мактаби. Унинг асосчиси йирик кўмир компанияси раҳбари франсуз Анри Фаёл бўлиб, ана шу 14 тамойилларга амал қилинса, ташкилот албатта муваффақиятга эришади, деган ғояни илгари сурган ва бошқарувнинг пастки поғонасида самарадорликни оширишга катта эътибор қаратган.
Вексел - белгиланган тартибда ёзма шаклдаги қарз мажбурияти, ўз эгасига (вексел олувчига) уни (векселни) берувчидан кўрсатилган пул миқдорини белгиланган муддатда гап-сўзсиз тўланишини талаб қилиш ҳуқуқини берадиган қимматбаҳо қоғоз тури,
Венчур фирма – илмий-техник ишланмалар тижорати билан шуғулланувчи фирма; янги технологиялар ва маҳсулотларни, даромадларни аввалдан белгиламаган ҳолда, ишлаб чиқиш ва қўллаш билан таваккалчиликка асосланган капитал қўйилмаси орқали шуғулланадиган фирма.
Гуруҳ – бир қанча кишиларнинг мақсадли ижтимоий ташкиллашуви. Масалан, талабаларнинг академик гуруҳи, рок-гуруҳ ва ҳ.к. Жуда кўп ижтимоий ўзаро алоқалар имкониятлари туфайли груҳлар ўзаги шаклланади. Албатта, ташкилот ва унинг бўлинмалари ҳам гуруҳ ҳисобланади. Гуруҳ аъзолари ўз ҳатти-ҳаракатлари меъёри билан боғланган масалалардаги миқдор ва кутилишларни ўрнатиш асосида шаклланади.