Ўзбекистон республикаси навоий кон-металлургия комбинати давлат корхонаси

Ассортимент – корхонада ишлаб чиқарилган маҳсулотлар тури.
Аудитор хизмати – корхона молиявий ҳолатини текширади ва мавжуд камчиликларини изоҳлаб берадиган молиявий хизмат тури.
Ахборот – менежмент учун зарурий хабар ва маълумотлар мажмуи.
Ахборот ресурслари – бошқарув фаолиятида фойдаланадиган ахборотлар.
Ахборот тизими – мураккаб ахборот тузилмаси бўлиб, ушбу тузилма турли ҳужжатлар, ахборот оқими, алоқа каналлари, техник воситалар ва автоматлаштирилган бошқарув тизимларини қамраб олади.
Баланс - бирон-бир ҳолатнинг алоҳида томонлари тенглигини таркибан ифодаловчи, таққослаш ва солиштириш йўли билан тавсифланувчи кўрсаткичлар тизими.
Баланс фойдаси - корхонанинг балансида акс эттирилувчи фаолиятнинг барча турларидан олинувчи умумий фойда миқдори.
Банкротлик - касодга учраш, корхонанинг ўз мажбуриятлари бўйича тўловларни маблағлар йўқлиги туфайли амалга оширмаслигини англатувчи тушунча.
Башорат қилиш - келажакда рўй бериши мумкин бўлган турли ҳодиса ва жараёнларни статистик, ижтимоий, иқтисодий ва б. турдаги тадқиқотлар ёрдамида илмий асосланган ҳолда аввалдан айтиб бериш, прогнозлаш.
Бизнес – фаолият тури, иш, тижорат амалиёти ёки корхонанинг сиёсати, савдо, тижорат.
Бизнес-режа – корхонанинг бизнес фаолияти дастури, кутилаётган харажат ва даромадлар ҳисобини ўз ичига олувчи, корхона фаолиятининг муайян мақсадларига эришиш учун маркетинг тадқиқотлари асосида ишлаб чиқиладиган муайян чора-тадбирлар режаси.
Бошқариш услуби – бошқарув жараёнида келиб чиқадган муаммоларни ҳал қилиш усулларини қўллаш тартиби.
Бошқарув тузилмаси – бир бири билан боғлиқ ҳолда бошқарув мақсадларини амалга оширувчи ва унинг функцияларини бажарувчи турли бошқарув органлари ва бўғинларининг мажмуи.
Бошқарув функцияси – замонавий менежмент функциялари: режалаштириш, ташкил қилиш, мувофиқлаштириш, назорат қилиш, мотивлаш, маркетинг ва б.
Бошқарувнинг замонавий менежмент мактаби (ХХ асрнинг 60-80 йй.) - Гарб бошқарув тараққиётининг замонавий босқичи деб қаралади ва у бошқарувга 4 ёндашувни ажратиб куосатаи: тизимли, вазиятли, жараёнли (вазифавий) ва сонли. Мактаб намоёндалари – В.Леонтъев, Д.Корнеги ва б.