Ўзбекистон республикаси мудофаа вазирлиги

35-Расм. Тўлиқ оқимли мой тозалаш фильтри
1- қобиқ; 2- қобиқ втулкаси; 3,8 ва 12- қистирмалар; 4- фильтрловчи элемент; 5- стакан; 6- тортувчи болт; 7- тиргак ҳалқа; 9- зичловчи ҳалқа;

Фильтр қобиғида фильтрлаш элементларининг ифлосланганлиги, мой босими датчиги ва мойнинг босими бош мой магистралида йўл қўйиб бўлмас даражада пасайиб кетганлигини билдирувчи дараклатгич ўрнатилган.

Марказдан қочма мой тозалаш фильтри

Марказдан қочма мой фильтр 1 (35-расм) цилиндрлар блогининг орқа қопқоғига двигателнинг ўнг томонига ўрнатилган. Фильтрга мой насоснинг радиаторли секциясидан босим билан жўнатилади. Двигатель ишлаганда насоснинг сўриш секцияси ҳосил қилган босим остида ротор 3 (36-расм) қалпоқ 2 билан биргаликда, роторнинг сопла ўқи 11 тешикларидан чиқаётган мой оқими, ҳамда соплалар орқали чиқаётган мой реактиқв кучи таъсирида айланади. Марказдан қочма кучлар таъсирида мойнинг таркибидаги механик бирикмалар ротор деворига ёпишиб қолади, тозаланган мой эса, агар радиаторларни ўчириш жўмраги 26 (33-расм) очиқ бўлса радиаторлар қувурига 11, ёпиқ бўлса, 49-69 кПа (0,5-0,7 кгк/см²) га ростланган ўтказувчи клапан 18 орқали (36-расм) поддонга тўкилади.

Фильтрнинг қобиғида ўрнатилган ўтказувчи клапан 25 (33-расм), 588-637 кПа (6,0-6,5 кгк/см²) босимга ростланган бўлиб, келаётган мойнинг босимини чегаралашга мўлжалланган

36-Расм. Марказдан қочма мой фильтри

1-зичловчи қистирма; 2-қалпоқ; 3-ротор; 4-фильтрнинг ташқи қалпоғи; 5-гайка; 6-тиргакли шарикли подшипник; 7-тиргакли шайба; 8-роторнинг қотириш гайкаси; 9- фильтр қопқоғини қотириш гайкаси; 10-роторнинг юқори втулкаси; 11-ротор ўқи; 12-экран; 13-роторнинг пастки втулкаси; 14-тиргак бармоғи; 15- тиргак пластинкаси; 16- тиргак пружинаси; 17-мой чиқариш қувури; 18-ўтказувчи клапан.

Мой радиаторлари

Мой радиаторлари (37-расм) машина қуруқликда ҳаракатланаётганда двигатель мойини совутиш учун хизмат қилади. Машинада иккита мой радиатори ўрнатилган бўлиб, улар совутиш тизими радиаторига қотирилган. Иккала ралиатор ҳам конструкция бўйича бир хил, бир-бири билан алмаштирилиши мумкин. Радиаторларни тизимга улаш 33 ва 40- расмларда кўрсатилган. Ҳар бир радиатор қовурғали алюмин қувурлардан иборат.