Ўзбекистон Республикаси Марказий банки

бюджетдан ташқари жамғармалар харажатларининг ўтган йилларга 
нисбатан сезиларли даражада ўсиши ҳам иқтисодиётдаги ялпи талаб 
ҳажмининг юқори даражада шаклланишида муҳим роль ўйнамоқда.
Жумладан, жорий йилда давлат бюджети харажатлари
2017 йилнинг мос даврига нисбатан қарийб 60 фоизга ёки 29,5 трлн. 
сўмга ўсди. Қўшимча даромадларнинг асосан иш ҳақи миқдорларини 
ошириш, аҳоли учун арзон уй-жойлар қуриш, тоза ичимлик суви 
билан таъминлаш, аҳолини иш билан таъминлаш, мактабгача таълим 
муассасаларини қуриш ва таъмирлаш бўйича тадбирларни 
молиялаштиришга йўналтирилиши иқтисодиётда истеъмол ва 
инвестицион талабнинг ошишига олиб келди.
Шунингдек, жорий йилда иқтисодиётдаги истеъмол ва 
инвестицион талаб ҳажмининг жадал ошиши иқтисодиётга 
ажратилаётган банк кредитлари ҳажмининг сезиларли даражада 
ошиши билан ҳам боғлиқ. 
Хусусан, 2018 йилнинг январь-сентябрь ойларида иқтисодиётга 
ажратилган кредитлар умумий ҳажми 2017 йилнинг мос даврига 
нисбатан 1,8 баробарга ёки 34,1 трлн. сўмдан 69,9 трлн. сўмгача, 
ЯИМга нисбатан улуши эса 19,3 фоиздан 28,6 фоизгача ошган.
Иқтисодиётни кредитлаш ҳажмларининг ошиши билан бир 
қаторда, жорий йилда маҳсулот ва хизматларга бўлган ялпи 
талабнинг жадал ўсишига аҳоли даромадлари ижобий динамикаси 
ҳам ўз таъсирини кўрсатмоқда. 
2018 
йилнинг 
январь-сентябрь 
ойларида 
аҳоли 
даромадларининг ўсиш суръатлари 2017 йилнинг мос давридаги 
кўрсаткичларга нисбатан сезиларли равишда жадаллашган бўлиб, 
иш ҳақи шаклидаги даромадлар ўсиши 22,2 фоизни (2017 йилнинг 

---

17 
мос давридаги ўсиш 14,5 фоиз) ҳамда ижтимоий трансфертлар 
бўйича даромадлар ўсиши 21,6 фоизни (16,1 фоиз) ташкил этди.
Ўз навбатида, аҳоли даромадлари ўсишига мос равишда жорий 
йилнинг январь-сентябрь ойларида аҳолининг якуний истеъмол 
харажатлари 2017 йилнинг мос даврига нисбатан 22,9 фоизга ошди.